Read Angami Naga Hosea 4 Bible Online

Hosea 4 - Angami Naga bible

Hosea 4

¹He-i Israelmiako, Jihova dieu rünyüshücie, Kekreilamonyü Jihovae kijü nu kelhouko pejo di petsou bate. Sünu kemiatho morei diethokecü ba mo, tsiu Ukepenuopfü dze kesi rei ba mo.

²Rüsekecü, kemeda, mu kedukhri, tsiu kerügu mu pieüpiera kechü par, thezie pekrukecü sie pekru ba.

³Süla kijüu kra bate, sidi puo nu lhou keba pete theziekejü chü bate; siro nhacüko mu teirako rei sa di, dzükezha nu khuoko rei katazhie.

⁴Sirei miapuorei bu kegeikemeü hie, mu miapuorei bu mia pejo hie, kekreilamonyü a n ze keti bate, he-i zievo-u.

⁵No teisogei rei tetsutuo; siedzekesiko rei thevagei n ze tetsutuo, mu a n zuo pekawatuo.

⁶A themiako kesikele kejü la pekawate; kekreilamonyü no kesikele meliewate, a n bu a la zievo chüketuo meliewatuo. Siro no rei n Kepenuopfü zho-u rükra moketa tuoi, a rei n nuonuoko rükra motatuo.

⁷Uko kruo miemie mu, uko a petsou di kephouma chü miemietuo; ukoe uko thetshetherhu pie thenga chüwate.

⁸Ukoe a themiako kephouma cülie; ukoe uko kesuokechüko mehoumengu baya.

⁹Siro süue themia mhie, zievoko mhietuo; uko zhoko la uko pechütuo, mu uko mhathoko la uko zhakhra khashütuo.

¹⁰Uko mhacütuo, derei uko kelhuo ngulie lho; uko thethelietuo, derei kruolie lho; kekreilamonyü uko Jihova khawa di uko thuo uko pie

¹¹mha kesuokechü nu shüwate. Zu mu zu kesae kesikele chüsetaya.

¹²A themiakoe sei yopuo ki mha ketso, mu uko thuophi sei-e uko ki mhapushüya. Kekreilamonyü thethekelie ruopfüu uko chatha kekrüya, sidi uko Ukepenuopfü khawa di thethe liete.

¹³Uko kijüthou mezüko geinu ruosuo chü, tsiu kijükhruko geinu, phriebo sopfüciekhrie, tsiu terebinth seipfü khro nu mha khapie ruosuochü, uko khrüe vicü la. Süla nie nuopfükoe thethe lie, mu nie miepfükoe pieü chü.

¹⁴A nie nuopfüko thethekelie ki, morei nie miepfüko pieükechü ki, uko pechülie lho; kekreilamonyü thepfuko thuo rei thetheko zetuote, mu rüsuoki nu thethepfüko ze ruosuochütuote; hakemhie di themia kesikele kejüko katatuo.

¹⁵He-i Israel, no thethelie zorei, Juda bu we jota hiecie. Gilgal nu le hie, morei Beth-aven nu kho hie, tsiu rüse di, “Jihova rheiketuotuoi” isi hie.

¹⁶Thudonuo puo mia rei nu tuoya kemo mhiei Israel rei mia rei nu tuo mo tuota zorei; Jihova thechü kemeya nunu tekuonuo tuoi süko vachütuo me?

¹⁷Efraim-e terhuorhi ze puo chüte, puo bu si zo balie.

¹⁸Uko krieketuoko krie tseilieta tse, kerülie kemenacü rüzhü chüya; ukoe uko zayieu ki thengakechüu u neikuoya.

¹⁹Teikhrie-e puo shüko nunu uko phaliete, sidi uko ruosuobako[14] la mengalietuo.