Read Angami Naga Hosea 5 Bible Online

Hosea 5 - Angami Naga bible

Hosea 5

¹Hau rünyüliecie, he-i zievoko! Si toulie, he-i Israel kinumiako! Rünyülie, he-i kediu kinumiako! Kekreilamonyü ketsoketuou pie n geishütuo; kekreilamonyü nie Mizpa nu kebie puo chü, mu Tabor nu jal pethoupie zhü.

²tsiu Shitim nu kheho kesou puo thielie; derei a uko pete pechütuo.

³A Efraim si, mu Israel a kinu rüshülie mo; he-i Efraim, no tsie mha kesuo chüzhie; Israel bie perhuwate.

⁴Uko mhathoko u chüpie Ukepenuopfü kitsa volie lho. Kekreilamomyü thethe kechü ruopfüu uko gei tuo, mu uko Jihova siya mo.

⁵Israel kemiakokecüu thuo puo petsou keba thashü; Efraim-e[15] puo kejokemou nunu tetsute; Juda rei uko ze tetsute.

⁶Ukoe uko kuoko tsiu kirinuoko ze di Jihova pfhütuo, derei uko puo ngulie lho, puoe uko kinu puo kereiliete.

⁷Ukoe Jihova gei kepele kejü mhatho chü; kekreilamonyü uko tekhruonuo penuoshükecü la. Khrülhoue uko lieko sa di uko mezulietuo.

⁸Gibia nu tekuo kiau khoushülie, Rama nu ketsüu khoushülie. Beth-aven nu kemichie vorkezhü pfheu shieshülie; Benjamin n sietsa mehoshülie!

⁹Efraim siazha khakeshü zha nhie methuotatuo; Israel seyieko donu kedipuo vor toutuo shicü a pesishütuo.

¹⁰Juda kedinuokoe kijü rieu bie kedikewamia kemhiete; süla a uko gei dzü tuoi a nouyieu rushütuo.

¹¹Efraim mia bu puo pese, dienya nu mezhülie mo, kekreilamonyü puoe kemethuo sie whuo nyü beite.

¹²Süla ae Efraim la shülhe tuoitatuo, mu Juda kinuko gei ciemenaketa tuoitatuo.

¹³Efraim-e puo kechükenyüko ngushü, mu Juda puo rüzapfü ngushü tse, Efraim-e Asiriamia ki vota, sidi kedi kezhau ki ketseshü.[16] Derei puoe n chü pevilie kenjü, morei n rüzapfü chü kemenelie kenjü.

¹⁴Kekreilamonyü ae Efraim la Losha tuoi, tsiu Juda kinumia la losha nuonuo tuoitatuo. A thuo cierhawa di tuotatuo; ae chüsetatuo, mu miapuorei kelashülie lho.

¹⁵Ukoe kekrükewa phrashü di, a zie pfhülie kemochie, a thuo a chüu nu la votatuo. Uko kemezhiekelie ki ngukemezhie chatuo.