Read Angami Naga Hosea 7 Bible Online

Hosea 7 - Angami Naga bible

Hosea 7

¹A Israel chü keshürhokelie ki, Efraim mhatho kesuoko hielashütuo, Samaria kerüzhü mhathoko rei; kekreilamonyü ukoe meda, kerügumia kinu ler mu kro puo chazou mha pekatuo.

²Derei ukoe a uko kerüzhü pete rükra baya ücü leya mo. Uko mhathoko thuo uko houpfüliete. ukoe a zie mhodzüki bate.

³Uko kerüzhüko se uko kediu nei chüya, mu uko kelhie di kezhako neichüya.

⁴Uko pete pieüpieramia phre, ukoe miphu bie pelepie keba tuoi zo, niekhrüda keriemia niekhrüdau bu pou partuoü di khrei sapie thou nepie bakewa sie, niekhrüda keriemia rei mi chü la morei vi.

⁵Hie kediu teiki kezhakoe zu kele la mhachü; puoe mia krenyüyakezhako ze di puo dzie yha.

⁶Kekreilamonyü uko miphu tuoi tu par[17], uko geinu uko melou the; teizeizha pete uko noupfhü thuo khuzhü; khise rei süu miü tuoi tu par.

⁷Uko pete rei miphu tuoi le, sidi uko kezhako mezulie, uko kedi pete tetsute; uko miapuorei a kieshü mo.

⁸Efraim thuo themiako ze kereilie; Efraim-e niekhrüda chü kekhelieya kemo mhie zo.

⁹Chazoumia bu puo kekuo mezulie, derei puoe süu si mo; puo tsü gei puo tsütha rüpou, derei puo süu si mo.

¹⁰Israel kemiakokecü thuo puo petsou keba thashü; sishierei uko rürei Jihova uko Kepenuopfü kitsa vo mo, morei mha hako pete la, puo pfhülie mo.

¹¹Efraim-e mekhru tuoi, nya mu kesikele jüte; uko Ijipt kie, uko Asiria nu vo.

¹²Uko vo tse, a jal kelhoupie uko geishütuo; teikhrie nu teirako mhie a uko teshü sekerwatuo; uko kehoue uko dze pukeshü medzi di a uko pethatuo.

¹³Uko we ce chülietie, kekreilamonyü uko a ki nunu tate! kepeka uko gei vorte, kekreilamonyü uko a petsou! a uko rhalie vi zo, derei uko kemeda pu a petsou.

¹⁴Uko u melou nunu kra a kishü mo, derei uko zhüko geinu meheimelozhü; uko telha mu zu la vo kengulie; uko a petsou sierte.

¹⁵Uko pethakeshü mu uko bou chü kemeteikeshüu sü a zo, sirei uko sier a petsou.

¹⁶Uko rürei se puo kepra kejü nu vo; uko theü kesuo puo mhiete; uko kezhako zhiecha geinu tetsutuo, kekreilamonyü uko tie kere la. Ijipt kijü nunu die doneiü pu ba rei si zo tuo.