Read Angami Naga Hosea 9 Bible Online

Hosea 9 - Angami Naga bible

Hosea 9

¹N neisiei hiecie, He-i Israel! seyie kekreimia mhie n chü kerükrie hie, kekreilamonyü noe rügerüzhüte, n Kepenuopfü ki nunu tuote. Noe shie pete nu thethenu kazau n neite.

²Shie mu khubezu kethebou-u süko vachüshülie lho, tsiu khubezu kesau uko khruohilie lho.

³Ukoe Jihova kijüu nu ba motatuo; derei Efraim-e Ijipt nu la votatuo, sidi Asiria nunu ukoe mesa kemo cütuo.

⁴Ukoe khubezu kekrie ruosuo pie Jihova tsü lho, tsiu uko ruosuoko puo nei chülie lho. Ruosuo sükoe thekrü kechümia kecüca mhietuo; kehoupuorei süu kecü pete rhutatuo; kekreilamonyü uko kecücae kemerü la zote; süu Jihova kiu nu vorlie lho.

⁵No thenyi zha pethopie keba nhie, kedipuo chü ta? Jihova thenyi zha nhie kedipuo chütuo ga?

⁶Mhanuü uko thuo kepekau nunu talie zorei, Ijipt-e uko ze vo kengulietuo, Memfis-e uko khruwatuo. Zozie thuo uko rakachü puoma kereko setatuo; zohu thuo uko pfhekiko nu batatuo.

⁷Siazha khashüketuo teisozhau vorte, su laketuo teisozhau vorte; Israel shiekhoui di,[19] “Siedzekesi-ue kenyamia, ruopfü themiau melute!” isi. Kekreilamonyü nie kejokemou kezha la, n kepetsou rei rete.

⁸Siedzekesiue Efraim mho a Kepenuopfü la rükhou-u chü, sirei puo cha pete nu ratho kebie thuo tshu, tsiu Ukepenuopfü kiu nu kengukemvü ba.

⁹Ukoe Gibia teiki tuoi u thuo u bie pesuo sewate; puoe uko kejokemou rükratuo, puoe uko kephouma la uko pechütuo.

¹⁰Razha nu khubesi tuoi, a Israel ngulie. Chiedebo gei puosi kerieu mhiei, puotei kerie nu, a n puonuoko ngu. Derei ukoe Baal-peor nu vor, sidi uko thuo u khapie thenga vieko chü, sidi kerütsekecü uko neimiako tuoite.

¹¹Efraim zayieu pera tuoi pruotatuo, nuo penuolie lho, nuonipfülie lho, nuo lhoulie lho!

¹²Uko thuo u nuonuo theke sesier rei, a uko pesia zo vo miapuorei lhieshülie lho. A uko kinu tuoketa ki uko we ce chülietie!

¹³Vapuo we a Efraim ha kukuo pie thechü u keneira pelhoupiekeba tuoi ngu, derei tsiewe Efraim puo nuonuoko ta ze kedukhri nu vo morosuote.

¹⁴He-i Jihova, uko tsüshücie, no kedipuo se uko tsütuoü ba ga? U nuonuo krüketa nuobvü mu unudzü soketa nuko.

¹⁵Uko kesuo kechü pete Gilgal nunu sede; a sünu vo di uko ngumecüte. Kekreilamonyü uko kerügekerüzhü thoko la, a ki nunu uko whuowa. a uko khrie salie lhote; uko kezhako pete rei mia kepetsoumia.

¹⁶Efraim vüwate, uko mieko sote, uko si vü sa mote. Uko thuo penuolie zorei, a uko nuobvü siu, uko keneiu dukhrituo.

¹⁷Kekreilamonyü uko puo pfhe rünyü mvüte, süla Kepenuopfü uko melietuo; uko seyieko donu rühouketuomia chütatuo.