Read Angami Naga Amos 6 Bible Online

Amos 6 - Angami Naga bible

Amos 6

¹Zion nu rüü kebako we, tsiu Samaria kijüthou-u pele kebako we ce chülietie, seyieko nu thekrüko, Israel seyieu bu voyakezhau we!

²Kalne pfüthe vo di mehoshücie; sünu nu Hamath kezhau nu vocie; süsie Filistinmia Gath nu kelie. Nieko kedi hako ki vikuoü me? morei nie[17] kijürüvie uko[18] kijürüvie ki zhakuoü ba me?

³He-i nie teisozha kesuou pie kepetse nu shüwa, sidi mia kechükedekecü se vorkeshüko.

⁴Tsohu pie kechü yakou gei zhüyakezhako, tsiu u zhügei vazhapfükezhüko, mu tekuokro-u nunu tekuochü tsiu perikro-u nunu thudo cüyakezhako;

⁵Übou kekhoupfhe se di tsali keziviko chüyakezhako, tsiu David tuoi di bazha neiünei chülie;

⁶hiepouko nunu zukrie, mu tier kevitho se u kenheyakezhako, derei Josef pekakewa ki thenousuolie moketako we ce chülietie!

⁷Süla uko bu tsiewe kerietho chü di mia die chü votatuo, mu u nei di vazhapfü kezhüko jütatuo.

⁸Niepu-u Ukepenuopfü thuo rüseshüwate, (Jihova, krodiko Kepenuopfü puya): A Jakob kemiakokecü rütseya, mu puo kuda ngumecüya; tsiu a puo nadi mu sünu keba pete kela setatuo.

⁹Mia ker ki puo nu ba ro, uko siatatuo.

¹⁰Mi pie kesia moko theyakezhau ba di, puoe ki nunu themo-u se par, sidi kinutshekou kebau ki, “Tsie rei mia puo n ze baluo me?” isi ro, puo die kelashü morokesuou ro, “Molie,” isituo. Sitse puo sie, “Hou! we Jihova za pu suo” situo.

¹¹Harie, Jihova diekhashüte, ki kezhau bierhuowatuo, tsiu kibenuoko bietshebietshawatuo.

¹²Gura-e tsiekrie gei talie vi me? mia puoe dzükezha nu mithu ze liecielie vi me? Derei no kethoca pie therei chüwate, mu kemiatho siu pie ciena chüwate.

¹³Nie Lo-debar nu nie neiyakezhako, sidi sie, “Hie thuo hie la hiekuo hiehie ü Karnaim[19] telie moü me?” iyakezhako.

¹⁴Ketho zo, a seyie puo pie n petsoutuoü se sierzhie, he-i Israel kinuko, Jihova, krodiko Ukepenuopfüe puya, mu ukoe Lebo-hamath nunu Araba Rü ketso n pesüpemvü votuo.