Read Angami Naga Amos 7 Bible Online

Amos 7 - Angami Naga bible

Amos 7

¹Niepu-u Ukepenuopfü mha hau pie a pekieshü: puoe mha lhou kepar kenuou tei ki pekrie ku chüshü (süue kediu lie zhiekewa sie lhou kepar kenuou tei kite),

²uko kijü gei nha riecü tseilieta tse, a sie, “He-i Niepuu Ukepenuopfü, a n ki chaya, kejo vashücie! Jakob kimhie di thalie ta! Puoe cüthor ze ru!” sishü.

³Jihova mha hau la puo nou shükhreta; “Süu sükemhielie lho” Jihova siya.

⁴Niepu-u Ukepenuopfü thapie a kiekeshüu sü hau; Niepu-u Ukepenuopfüe mi bu rütsur[20] ketuo chashü, sitse süu mha kesou kezhako thewa mu kijüu cülie.

⁵Sitse a sie, “He-i Niepu-u Ukepenuopfü, puo thela chüwatacie, n ki a mezhiemeloya! Jakob kimhie di thalie ta? Puo cüthor zo!” sishü.

⁶Sitse Jihova hau la puo nou shükhrelieta; “Hau rei silie lho,” sidi Niepu-u Ukepenuopfü puya.

⁷Puoe hau thapie a kieshü: Niepu-ue kemejü ro teshü di pfhekelie tsiepfhe puo khieki tha, mu kemejü ro puo puo dzienu se tha.

⁸Sidi Jihova sie a ki, “Amos, no kedipuo ngu ga?” sishü. Sitse a sie, “Kemejü ro puolie” sishü. Süsie Niepu-u sie, “Harie, a a themia Israelko donu kemejüro puo teshüshüzhie; mu a mhakipuorei uko pfüthe vo salie lho;

⁹Isak thechü kerükrieko chü kemethuowatatuo, tsiu Israel kemesachüko bu ruozhütatuo, sidi a zhiecha se Jeroboam kinuko petsoutuoü siertuo” sita.

¹⁰Sitse Amazia, Bethel nu zievo-u mia ketsepie Israel kediu Jeroboam kishü di sie, “Amos-e Israel kinuko donu nu sier mharhü n petsou bate; puo dieko pete toupfü kekralie kenjü bate,

¹¹Kekreilamonyü Amos hakemhie pute, ‘Jeroboam zhiecha geinu siatuo, tsiu Israel-e puo kijü nunu mia die chü votatuo’ site” si.

¹²Siro Amazia sie Amos ki, “He-i, themou-u, tuotalie, ta Juda kijü nu votalie, süra nu niekhrüda kra cülie, sünu nu siedzekesidie puliecie;

¹³derei mhakipuorei Bethel nunu siedzekesi die pu sa hie, kekreilamonyü süue kediu kemesa chü zo, tsiu süue kedi rüsuokiu zokecü la” sita.

¹⁴Sitse Amos sie Amazia die kela di, “A siedzekesimia mo, morei siedzekesimia nuonuo rei mo; derei a we kuopfhemia, mu khrabvüboko mezamezhü tuoyakezhamia zo,

¹⁵mu Jihovae a tekuo pfhekekuo nunu a zelie, sidi Jihova sie a ki, ‘Vo di a themia Israel ki siedzekesidie pushücie!’ si.

¹⁶“Süla Jihova die rünyüliecie. Noe sie, ‘Israel petsou di siedzekesidie pu hie, tsiu Isak kinuko petsoukecü die pu hie,’ iya.

¹⁷Süla Jihova hakemhiekecü puya: ‘Nadiu nu nie nupfünuoko thethelietatuo, tsiu nie nuonuo thenu rei thepfu rei zhiecha geinu tetsutuo, mu nie kijü rhie kezawatuo; tsiu niekoe kijü mesa kemora nu siatuo, mu Israel-e mia die chü di puo kijüu ze petse votatuo’ ” sita.