Read Angami Naga Jona 2 Bible Online

Jona 2 - Angami Naga bible

Jona 2

¹Sitse Jonae khuou vadi nunu puo Kepenuopfü ki puo mezhiemelo vü,

²di sie, “A kemezhiekelie nunu Jihova kieshü, siru puo a pfhekhoshü; ae Sheol vadi nunu melieshü, siru no a pfhe silie.

³No a kelhoupie kesou nu, dzükezha melou nu shüwa, mu dzürüpfhü thuo a khie a mhou houlie; n mele mu n rüpfhü a mho vote.

⁴Sitse a sie, ‘N mhingu kinu a ketsewate; kimhie di[1] a n kemesa rüsuokiu meholie ta?’

⁵Dzüko a vupfüliete; kesou-u a houpfülie; nhako kezipie a tsü zepfü ba,

⁶a kijüthouko phi nunu. A kijü puo cahou kechachie a khapie keba nu tsu; sishierei no kheho nunu a kerheiro se parshüte, he-i Jihova a Kepenuopfü.

⁷A mezie voketa ki, a Jihova rükralie; mu a kecha n ki vo, n kemesa rüsuoki nu vo.

⁸Kemethuo miarhi rüsuoyakezhako, u thuo u kemiatho-u khawa.

⁹Derei a ketshe pfhe se ruosuo chü n ki shütuo; a phrakeshüu chüshütuoü. Shüphrakeshü sü Jihova vie zo!” sishü

¹⁰Sitse Jihovae khuo-u ki pushü, ru süue Jona melou pie kijü keso nu shüwa.