Read Angami Naga Jona 3 Bible Online

Jona 3 - Angami Naga bible

Jona 3

¹Jihova die va kenieu Jona ki vor di sie,

²“Sieliecie, Ninevi nadi kezhau nu volie, di a n ki kepu dieko pie puo ki pucie” si.

³Süla Jona sielie di Jihova pukeshü mhiei tuo Ninevi nu vo. Ninevi-e nadi kezha se puo, puo kezha zha se chatuo.

⁴Jonae nadiu nu lelie, sidi zha puo chatuo tuoshü, süsie puo shiekhoui di, “Ninevi pekawaketuo zha hiedia bakecü zote!” sishü.

⁵Sitse Ninevimiako Ukepenuopfü pelelie, sidi uko kezhakecü pete, gakhropfhe dzie di mevota.

⁶Siro dielieu Ninevi kediu ki vo tse, puoe puo kediba nunu sielie, di puo boulie rhuowa, sidi gakhropfhe se puo whelie mu mige nu bata.

⁷Süsie puo Ninevi nu mha pu di: “Kediu mu puo kezhako thezho-u khashü: Themia kehoupuorei morei khunuo rei, tekuo morei thukro-u shierei u bu mhapuorei cülie lho. Süko vachü suo, morei dzü rei krielie lho.

⁸Themia mu khunuo bu gakhropfhe dzietuo, sidi uko bu shie petopie Ukepenuopfü ki shütuo. Mu pete bu u kesuokechü nunu mu u dzie nu mha peka tuoü bakecü pete nu rüreilie morosuo.

⁹Ukepenuopfü rürei vor mu puo noukedilie, tsiu puo noupfhü nunu rüreita; sidi u bu kata molie rei si mo mu” sishü.

¹⁰Siro Ukepenuopfü uko mhathoko ngukeshü ki, kimhie di uko kesuoko nunu rüreilie shikecü kengu ki, Ukepenuopfüe uko gei kepeka se vortuoü di pukeshü nunu puo nou rüdita; sidi puo süu chü mota.