Read Angami Naga Jona 4 Bible Online

Jona 4 - Angami Naga bible

Jona 4

¹Derei hau la Jona puo nei mota, di puo noumeyieta.

²Puo Jihova ki cha di, “He-i Jihova, A a rüna nu baluokecü nu hau pushü mo me? Haha la a therie nu ta Tarshish nu voketa zo; kekreilamonyü noe mia ngumezhie mu mia khrieyakezha Ukepenuopfü puo zo, n noumeyie tho, n zho vithor, tsiu siazha khashütuoü keba nu zorei n nou keditayakecü a si ba.

³Süla tsie, he-i Jihova a geinu a kerheiro setayi, kekreilamonyü a we rheikebau ki siaketa we vikuote.”

⁴Siro Jihova sie, “No n nei mokecü meseü ba me?” sishü.

⁵Sitse Jona nadiu nunu tuoprata di vo nadiu niakratsa bata, mu sünu nu puo la keyachü puo chülie. Puoe süu khrü nu ba di nadi nu kedipuo chüshütie shi mehotuoü pfhe ba.

⁶Sitse Jihova Ukepenuopfü ronyho[2] puo bu lhousier, sidi süu kra Jona mhogei vota, süu bu puo tsü keya chütuoü, mu ba kemezhie keba nunu puo kelashütuoü di; süla Jona-e nhau la puo nei phi ba.

⁷Derei süsie nhie teiso vor ru, Ukepenuopfüe zope puo bu vor nhabo-u khrathewa, süla süu rüwita.

⁸Sidi niaki thu par tse, Ukepenuopfü niathutsa teikhrie kele puo keseshü, tsiu niakiu Jona tsü phieshü, süki puo phisiata, sitse puoe puo bu siata nu chata. Puo sie, “A bu rhei kebau ki siaketa we vikuote” sita.

⁹Derei Ukepenuopfüe sie Jona ki, “No nhabo-u la n neimoketa meseü me?” sishü. Sitse puo sie, “U we, a neimo pie sia reita nyüta zo,” sishü.

¹⁰Sitse Jihova sie, “Noe nhabo puo la rei le ba, süu la no mhapuorei chü mo morei süu memie sieketuo la mhapuorei chü mo zo; süu khuzhü puo nu lhousier, tsiu khuzhü puo nu suote.

¹¹Siliro a Ninevi nadi kezhau, mia lakh puo di nyie mepfü u dzie u zatsa tsiu u vitsa si kekreilie kenjükecü ba, tsiu khunuo kekra keba rükra zhü moü me?” sita.