Read Angami Naga Nuolhoutsüphrü 1 Bible Online

Nuolhoutsüphrü 1 - Angami Naga bible

Nuolhoutsüphrü 1

¹Siro uko Ijipt kijü nunu parkelie sie, cie kenie cie khrü kenieu nu zha puo nhie; Sinai nhatsa nu kehou pfhekiu nunu Jihovae Mosa ki;

²Israelmia kro-u pete, u pfutsanuo mu u kinumia idi, theza medzi mu tsü puopuo di thepfumia kide ba shiü phrüliecie.

³Israelmia donu terhü nu pralie kevi khe, u kelhouzha cie mepfü mu sü mhoko, Aron nnie rüpfhünuo puopuo idi phrüliecie.

⁴Siro u pfütsanuomia donu puotsüu idi seyie peteko nu mia puopuo bu nie khruohituo.

⁵Nnie khruohi kethako za hako: Reuben nuomia: Shedeur nuou Elizur.

⁶Simeon nuomia: Zurishadai nuou Shelumiel.

⁷Juda nuomia: Aminadab nuou Nahshon.

⁸Isakar nuomia: Zuar nuou Nethanel.

⁹Zebulun nuomia: Helon nuou Eliab.

¹⁰Josef nuoko: Efraim nuomia; Amihud nuou Elishama; Manasseh nuomia, Pedahzur nuou Gamaliel.

¹¹Benjamin nuomia: Gideoni nuou Abidan.

¹²Dan nuomia: Amishadai nuou Ahiezer.

¹³Asher nuomia: Okran nuou Pagiel.

¹⁴Gad nuomia: Deuel nuou Eliasaf.

¹⁵Naftali nuomia: Enan nuou Ahira.

¹⁶Israel kro-u nu u pfutsanuomia donu krüta kemeyie hako kiepie uko bu Israel nuonuoko mhokezha chü.

¹⁷Mosa mu Aron unie themia za thupie keba hako zelie.

¹⁸sidi unie khrü kenieu zha puo nhie Israel kro-u peteko kie kengulie di u pfutsanuo, u kinumia idi u kelhouzha cie mepfü mu sümhoko phrükelie mhie u pfutsanuo za thukelie leshüu phrüpie uko pesishü.

¹⁹Jihovae Mosa ki pukeshü mhie di Mosae Sinai nhatsa nunu uko phrülie.

²⁰Israel nuorieu, Reuben nuomia, u seyieko, u puonuoko kinumia puopuo idi theza pfhükecü thepfumia terhü nu pralie kevi khe, u kelhouzha cie mepfü mu sümhoko phrükeshü;

²¹Reuben yiemia phrükelieko mia nyie hiediaesorou di krie pengou.

²²Simeon nuomia, u seyieko mu u pfutsanuoko kinumia puopuo idi theza phrükecü, thepfumia terhü nu pralie kevi khe, u kelhouzha cie mepfü mu sümhoko phrükeshü.

²³Simeon yiemia phrükelieko nyie hiepengouethepfü di krie se.

²⁴Gad nuomia, u seyieko mu u pfutsanuoko kinumia puopuo idi theza medzi di phrükecü, u kelhouzha cie mepfü mu sümhoko, terhü nu pralie kevi khe,

²⁵Gad yiemia phrükelieko nyie hiediaepengou krie sorou di hiepengou.

²⁶Juda nuomia, u seyieko, u pfutsanuoko kinumia puopuo idi theza medzi di phrükecü, u kelhouzha cie mepfü mu sümhoko, terhü nu pralie kevi khe:

²⁷Juda yiemia phrükelieko nyie hietheniedia di krie sorou.

²⁸Isakar nuomia, u seyieko, u pfutsanuo mu u kinumiamia idi theza kephrü, u kelhouzha cie mepfü mu sümhoko, terhü nu pralie kevi khe:

²⁹Isakar yiemia pfhükelieko nyie hiepengouedia di krie dia.

³⁰Zebulunnuomia, u seyieko, u pfutsanuomia mu u kinumiamia idi theza kephrü, u kelhouzha cie mepfü mu sümhoko, terhü nu pralie kevi khe:

³¹Zebulun yiemia phrükelieko nyie hiepengouethenie di krie dia.

³²Josefnuomia üse Efraim nuomia rei üya, u seyieko, u pfutsanuomia mu u kinumia idi theza medzi di kephrü, u kelhouzha cie mepfü mu sümhoko, terhü nu pralie kevi khe:

³³Efraim yiemia phrükelieko nyie hiedia di krie pengou.

³⁴Manasseh nuomia, u seyieko, u pfutsanuomia, idi theza medzi di, teicie mepfü mu sümhoko, terhü nu pralie kevi khe kephrü:

³⁵Manasseh yiemia phrükelieko nyie serekenie di krie kenie.

³⁶Benjamin nuomia u seyieko u pfutsanuoko mu ukinumia za phrükecü, u kelhouzha cie mepfü mu sümhoko, terhü nu pralie kevi khe.

³⁷Benjamin yiemia phrükelieko nyie serepengouu di krie dia.

³⁸Dan nuomia, u seyieko, u pfutsanuoko, u kinumia za medzi di phrükelie, teicie mepfü mu sümhoko, terhü nu pralie kevi khe.

³⁹Dan yiemia phrükelieko nyie hiesorouekenie di krie thenie.

⁴⁰Asher nuomia, u seyieko, u pfutsanuomia mu u kinumia za medzi di phrükelie, u kelhouzha cie mepfü mu sümhoko, terhü nu pralie kevi khe:

⁴¹Asher yiemia phrükelieko nyie hiediaepuo di krie pengou.

⁴²Naftali nuomia, u seyieko, u pfutsanuomia mu u kinumia za medzi di phrükelie, u kelhouzha cie mepfü mu sümhoko, terhü nu pralie kevi khe:

⁴³Naftali yiemia phrükelieko nyie hiepengouese di krie dia.

⁴⁴Hako theza phrükelieko, mia kerekenie, pfutsanuo puo gei mia puopuo idi ze Mosa mu Aron unie khruohi di phrükelieko.

⁴⁵Israelko u pfutsanuo puopuo idi, teicie mepfü mu sümhoko Israel donu terhü nu pralie kevi khe, phrükecü hade:

⁴⁶Phrükelieko pete kesa nyie krie sorou di se, krie pengou di hiepengou.

⁴⁷Derei Levimia pfutsanuo yiemia we phrüpie uko sa mo.

⁴⁸Kekreilamonyü Jihovae Mosa ki:

⁴⁹No Levi yiemia rübei phrülie lho; mu no uko phrüpie Israelko salie lho.

⁵⁰Derei no Leviko bu dietseidiekhobou rüsuopfhekiu,[1] süu mhanyako mu süu vie pete mho kemehoko chüliecie; uko bu rüsuopfhekiu mu süu mhanyako pete toupietuo; sidi uko rüsuopfhekiu khieümhoura ba di sünu mhatho chüshütuo.

⁵¹Sidi rüsuopfhekiu se keyietuoü ro, Leviko bu rhuotuo; mu rüsuopfhekiu pethoutuoü ro, Leviko bu chüshütuo, siro kehoupuorei penuo kevormia, dukhriwatuo.

⁵²Siro Israelko u thuo u rüpfhünuo, mu u thuo u pfhelha khieki nu, u thuo u razhüchü nunu idi, kehoupuorei u thuo u pfheki pethoupie balie morosuo;

⁵³derei Leviko we Israelko kro-u nu noupfhüu bu vor moketuo la u pfheki pethoupie dietseidiekhobou rüsuopfhekiu[2] houpfü balie morosuo, sidi Leviko bu dietseidiekhobou rüsuopfhekiu[3] mehokecü pie uko mese chütuo.

⁵⁴Hakemhie di Israelkoe chülie. Jihova Mosa ki diekhakeshü pete medzi di chülie.