Read Angami Naga Nuolhoutsüphrü 17 Bible Online

Nuolhoutsüphrü 17 - Angami Naga bible

Nuolhoutsüphrü 17

¹Jihovae Mosa ki:

²Israelko ki pushülie, pfutsanuo puo la kethe puopuo idi pfutsanuo krütako pete kethe kerekenie seliecie, sidi no mia pete the gei u za thu phreshülie.

³Mu Aron za pie Levi the gei thushülie, pfutsanuo krüta puo la kethe puopuo tuocü la.

⁴Sidi no süko pie kehou pfhekiu nu dietseidiekho bouu[30] mhodzünu a nieko ze keseyakezha chü nu pie zhüliecie.

⁵Sitse a puo kedakelieu theu tsü parlietuo; sidi a Israelko n gei kenyayakecüko bu a ki vor sa motatuo.

⁶Mosae Israelko ki pushü tse, krütako mia puo la puopuo idi u pfutsanuo medzi di kethe kerekenie khapie puo tsüshü mu Aron theu rei uko donu tuo.

⁷Mu Mosae ketheko pie dietseidiekho[31] pfhekiu nu Jihova mhodzünu khapie zhü.

⁸Mu süsie nhie Mosae dietseidiekhobou pfhekiu[32] nu le tse; harie, Levi yiemia la khakeshü Aron theu tsüpar di puo pou poulie di ciehu si keme vülie.

⁹Sitse Mosae ketheko pete Jihova mhodzünu separ Israelmiako ki shüshü; sitse uko meho di uko thuo u the chü phrelie.

¹⁰Sitse Jihovae Mosa ki, “Aron theu kha lapie dietseidiekho-u[33] mhodzünu piezhüwalie, süu bu a petsou sierkecüko la zasi puo chütuo, mu nieko bu a gei kenyasier di siata molieketuo la” sita.

¹¹Mosae sükemhie di, Jihova puo ki diekhakeshüu chülie.

¹²Sitse Israelko Mosa ki, “Harie, hie siatazhie, hie katazhie, hie peteko kate.

¹³Themia kehoupuorei Jihova rüsuokiu penuo kevor khe siatatuoü ro, pete bu siatatuo me?” sita.