Read Angami Naga Nuolhoutsüphrü 2 Bible Online

Nuolhoutsüphrü 2 - Angami Naga bible

Nuolhoutsüphrü 2

¹Siro Jihova Mosa mu Aron unie ki:

²Israelko bu u thuo u pfhelhau zasiu khieki nu u pfutsanuomia pfhelhau khieki ki di, u pfhekiu pethoupie süu houpfü balie morosuo.

³Sidi Judamia rüpfhünuoko mu uko razhüchü pfhelhau bu niathutsa niaki kepar petsou di uko pfheki pethoutuo, mu Aminadab nuou Nahshon bu Juda nuomia krütau chütuo.

⁴Puo krodi phrükelieko, nyie hiethenieadia di krie sorou.

⁵Siro puo sieso nu Isakar yiemia bu u pfheki pethoupie batuo: Mu Zuarnuou Nethanel bu Isakar nuomia krütau chütuo.

⁶Puo krodi phrükelieko, nyie hiepengouedia di krie dia.

⁷süsie Zebulun yiemia mu Helon nuou Eliab bu Zebulun nuomia krütau chütuo.

⁸Mu puo krodi phrükelieko mia nyie hiepengouethenie di krie dia.

⁹Judanuomia razhüchü nu keba rüpfhünuo phrükelieko pete kesa nyie krie puo di hiethethaesorou di krie dia: hako bu kerietho chü tuo patuo.

¹⁰Pekhrotsa Reuben nuomia razhüchü pfhelhau mu uko rüpfhünuo bu batuo: mu Shedeur nuou Elizur bu Reubennuomia krütau chütuo.

¹¹Mu puo krodi phrükelieko nyie hiediaesorou di krie pengou.

¹²Siro Simeon yiemia bu puo sieso nu batuo; mu Zurishadai nuou Shelumiel bu Simeon nuomia krütau chütuo.

¹³Puo krodi phrükelieko nyie hiepengouethepfü di krie se.

¹⁴Süsie Gad yiemia mu Reuel nuou Eliasaf bu Gad nuomia phrükelieko krütau chütuo.

¹⁵Puo krodi phrükelieko nyie hiediaepengou di krie sorou di hiepengou.

¹⁶Reuben nuomia razhüchü nu keba rüpfhünuo phrükelie pete kesa nyie krie puo di hiepengouepuo di krie dia di hiepengou. Mu uko bu kenieu nu tuo pratuo.

¹⁷Süsie razhüchüko metsuo nu Levimia bu kehou pfhekiu toupie di tuotuo: ukoe razhüchü keba kemhiei u thuo u thau nu mu u pfhelhau khro nu tuo prapratuo.

¹⁸Kisietsa Efraim nuomia razhüchü pfhelhau mu uko rüpfhünuoko bu batuo mu Amihud nuou Elishama bu Efraim nuomia krütau chütuo.

¹⁹Siro puo krodi phrükelieko nyie hiedia di krie pengou.

²⁰Mu puo sieso nu Manasseh nuomia bu batuo, mu Pedahzur nuou Gamaliel bu Manasseh nuomia krütau chütuo.

²¹Mu puo krodi phrükelieko nyie serekenie di krie kenie.

²²Süsie Benjamin yiemia bu batuo: mu Gideoni nuou Abidan bu Benjamin nuomia krütau chütuo.

²³Mu puo krodi phrükelieko nyie serepengou di krie dia.

²⁴Efraim nuomia razhüchü nu uko rüpfhünuo phrükelie pete kesa lakh puo nyie thetha di krie puo mu uko bu seu nu tuo prapratuo.

²⁵Pesotsa Dan nuomia razhüchü pfhelhau mu uko rüpfhünuo bu batuo, mu Amishadai nuou Ahiezer bu Dan nuomia krütau chütuo.

²⁶Mu puo krodi phrükelieko nyie hiesorouekenie di krie thenie.

²⁷Siro Asher yiemia bu puo sieso nu batuo, mu Okran nuou Pagiel bu Asher nuomia krütau chütuo.

²⁸Mu puo kro-u phrükelieko nyie hiediaepuo di krie pengou.

²⁹Süsie Naftali yiemia mu Enan nuou Ahira bu Naftali nuomia krüta chütuo.

³⁰Mu puo krodi phrükelieko nyie hiepengouese di krie dia.

³¹Dan nuomia razhüchü nu phrükelieko pete kesa nyie krie puo di hiepengouethenie di krie sorou, uko bu uko pfhelha pie di kenuotho chü prapratuo.[4]

³²Israelko upfutsanuo puopuo idi mu razhüchü keba rüpfhünuo pete phrükelie hade, nyie krie sorou nyie se kriepengou di hiepengou.

³³Derei Jihova Mosa ki diekhakeshü la Israelko donu Levi nuomia we phrü mo.

³⁴Hakemhie di Israelkoe chülie, Jihovae Mosa ki diekhakeshü mhiei: Ukoe u thuo u pfutsanuo, u thuo u kinumia mu u thuo u pfhelhau khieki nu u pfheki pethou pie baya mu sidi tuo shüshüya.