Read Angami Naga Nuolhoutsüphrü 21 Bible Online

Nuolhoutsüphrü 21 - Angami Naga bible

Nuolhoutsüphrü 21

¹Süsie Negeb kijü nu bayakezha, Arad nu Kanan kediue Israelko Atharim chau ze vorkezhü silie tse, puoe Israelko ze terhüchü di uko huomia telie.

²Sitse Israelko Jihova ki rüse di sie, “No themia hako khapie hieko dzie nushü ro, ae uko nadiko peka tseiwatuo” ita.

³Mu Jihovae Israelko pfhe rünyülie di Kananmiako khashü, mu ukoe uko mu uko nadiko peka tseiwa, süla thechü süu za Horma[37] üdi kielie.

⁴Ukoe Edom kijü whi voketuo la, Hor kijüthou nunu Kemerie Dzükezha cha ze vor, sitse themiako cha la nu meyhumezhieta.

⁵Sidi themiako Ukepenuopfü mu Mosa unie gei kenya di sie, “Hie bu rayha nunu siatuoü di nnie kiüdi Ijipt kijü nunu hie ze par ga? Kekreilamonyü hanu niekhrüda rei mu dzü rei jü, mu hie kecüca kesuo hako cü mecüte” sita.

⁶Sitse Jihovae tinyhü kerhu[38] se puo khashü di süko bu themiako medu, mu Israelmia kekra siata.

⁷Sitse themiako Mosa ki vor di sie, “Hie phoumawate, kekreilamonyü hie-e Jihova mu n ngukemvü die puwate, Jihova bu tinyhüko se lataketuo la puo ki chashücie” ita. Süla Mosae themiako la chashü.

⁸Mu Jihovae Mosa ki, “Tinyhü kerhu puo chülie, di süu pie co puo gei pie zhalie, siro tinyhü bu u medukewa kehoupuorei süu mehokeliemia rheilietuo” si.

⁹Süla Mosae merenyi pie tinyhü puo chülie, di süu pie co puo gei piezhalie: mu tinyhü bu u medukewa kehoupuorei merenyi tinyhüu mehokelie khe rheilieketuo la.

¹⁰Süsie Israelmiako tuoshü di vo Obot nu razhüchü chülie.

¹¹Süsie uko Obot nunu tuo lashü di vo Moab mhodzü niathutsa Iye-abarim rayha nu uko razhüchü chülie.

¹²Uko sünunu tuo la vo Zered Razhau nunu uko razhüchü chü.

¹³Uko sünunu tuo la Amormia therie nu kezhü Arnon khie lutsa nu uko razhüchü chübata kekreilamonyü Arnon-e Moab mu Amorko donu keba Moab rieukecü la.

¹⁴Süla Jihova Terhü dze Leshüdako nu hamhie di thupie ba: “Sufa nu Waheb mu sünu nadiko. Mu Arnon razhako,

¹⁵Mu razha süko Moab rie khiera nu, pesuse Ar rüna kevatsa tsu.”

¹⁶Mu uko sünunu tuo Beer dzükhou nu volie: mu dzükhou süu dze Jihovae Mosa ki, “Themiako kie kenguliecie, a dzü pie uko tsüshütuo” sita.

¹⁷Sitse Israel tsali hau keli, “Rüluo sierlie, he-i, dzükhou-u, süu se kelilie!

¹⁸Krütamia hokeshü dzükhou-u, kedinuoko u kedi kekuo zasi mu u theu se hokeshüu” isi. Süsie ukoe rayha sünunu tuo la Matana nu vota.

¹⁹Mu Matana nunu Nahaliel, Nahaliel nunu Bamot;

²⁰mu Bamot nunu Moab nu kijü razhau nu keba mu kijü kesiau[39] kengu Pisga mezü gei vota.

²¹Süsie Israelko dieliemia ketse pie Ammonmia kediu Sihon ki shü di sie,

²²“Hieko bu n kijü pfüthe vocie, hieko tuo se lie morei khubelie nu volie lho, n dzükhouko puo nu rei dzü krielie lho, n rieu cie volie kemochie hie Kediu Chadiu rübei ze vo zotuo,” isi.

²³Derei Sihon-e Israelko bu puo rie ciekevo khashü mvüta, sidi puo themiako kiekengulie, di rayha nunu Israel ze terhü chütuoü di Jahaz nu vor; sidi Israel ze terhüchü.

²⁴Mu Israel-e zhiecha pie puo biewa, di Arnon nunu vo Ammonmia rie nu Jabok ketso kijü pete lielieta; kekreilamonyü Ammonmia rieu ya kemetei phi piekeba la.

²⁵Mu Israel-e nadi süko pete penyülie; sitse Israel-e Ammonmia nadi pete nu, Heshbon nu mu puo socüsonuoko pete nu rüna chü bata.

²⁶kekreilamonyü Heshbon-e Ammonmia kedi Sihon nadiu, thiedzü Moab kediu ze kegei di puo kijü pete Arnon ketso lielie.

²⁷Süla geizo zokeshükoe pukecü, “Heshbon nu vorluo; süu chülie. Sihon nadiu pesieliecie.

²⁸Kekreilamonyü Heshbon nunu mi puo par, Sihon nadiu nunu miü puo sier, Moab rüna Ar thewa, mu Arnon thechü kerükrieko pekawa.

²⁹He-i Moab; Ce, no we chüliete! He-i, Kemosh themiako, nie chülie mote! Puoe puo nuo thepfuko bu ta rühoutatuo, mu puo nuo thenunuoko bu mia die chütatuo, khapie Amormia kediu Sihon tsüwate.

³⁰Süla uko nuosenuoyie pekawate, Heshbon nunu[40] ro Dibon ketso; tsiu Medeba ketso hie mi pie mha pete pekaperuowate,” si.

³¹Hakemhie di Israelkoe Amorko kijü nu lhouta.

³²Siro Mosae Jazer rietuoü di mia ketseshü; sitse ukoe sünu keba rünako lielie di sünu keba Amormia whuo petawa.

³³Süsie uko rürei lalie di Bashan cha ze kho: sitse Bashan kediu Og-e puo themia pete ze par di, Edrei nunu uko ze kegei.

³⁴Derei Jihovae Mosa ki, “Puo prei hiecie; ae puo mu puo themiako mu puo kijü pete khapie n dzienu shüwaketa la. Noe Heshbon nu keba Amormia kediu Sihon gei chükeshü mhie puo gei rei chüshütuo” sita.

³⁵Süla ukoe miapuorei peshashü mo zo di puo mu puo nuonuoko, mu puo themia pete dukhriwa di puo kijü lielie.