Read Angami Naga Nuolhoutsüphrü 25 Bible Online

Nuolhoutsüphrü 25 - Angami Naga bible

Nuolhoutsüphrü 25

¹Israel Shitim nu keba ki, themiakoe Moabmiapfüko ze mha kesuo chü vüta.

²Ukoe themiako kie ze vo uko ruosuo kechüko nu hie di uko rhuoko rüsuota.

³Israel Peor nu Baal rüsuoketa la Jihovae Israel gei puo nei mota.

⁴Süla Jihovae Mosa ki “Jihova noupfhü kereu bu Israel gei vor molieketuo la, themiako donu pehüko ze vor di Jihova mhodzü teirünia keba nu uko gouwaliecie” sita.

⁵Sitse Mosae Israel donu capiko ki, “Nieko kehoupuorei puo themia Peor nu Baal rüsuokecü khe dukhriwaliecie” sishü.

⁶Siro harie, Israelko kehou pfheki kicie nu krakeba nu Israelmia puoe Midianmia pfü puo ze, Mosa mu themiako pete kengu nu süpfü ze puo siezedzürieko ki vor.

⁷Sitse Aron zievo nuou Eliazar nuou Finehas-e süu ngu tse, themia kro-u donu sielie di rüngou puo chüselie.

⁸Sidi Israel-u whuo pfhekiu nu le, sidi rüngou pie Israel-u mu thenupfü vadi zeshü di unie zekhriwa, sidi Israelko donu thesau khalie.

⁹Mu thesa hanunu themia nyie mepfüedia siata.

¹⁰Süsie Jihova Mosa üse,

¹¹“Israelmiako ngu a nei mo di a bu uko pekawatuoü kezhü nu; Aron zievo-u tsiu, süusü Eliazar nuou Finehas-e Israelmiako gei keba thesau kelawa, di a bu Israelko pekawa molie.

¹²Süla pushücie, ‘Harie, ae dietseidiekhokelie nouneu pie puo tsütuo.

¹³Sidi puo mu puo se puo yie puo sie kelhoumia bu kechachie dietseidiekhokelie zievo chütuo; puoe puo Kepenuopfü la puoro di Israelmiako rhaliekecü la’ ”

¹⁴Siro Midianmiapfü sa di dukhrikewa Israel themiau za Zimri, Salu nuou, süue Simeonmia donu pfutsanuo puo krüu.

¹⁵Mu dukhrikewa Midianpfü za Kozbi, puoe Zur nuopfü mu puo puoe Midianmia donu pfutsanuo puo krüu.

¹⁶Süsie Jihovae Mosa ki,

¹⁷“Midianko re zo balie, sidi uko penyüwalie;

¹⁸kekreilamonyü Peor la mu Midianmia krüu nuopfü, uko üpfü Kozbi, Peor dze la dukhrikecü teisozha nhie dukhrikewapfü la ukoe uko do pie nieko va di nieko sewatakecü la” sita.