Read Angami Naga Nuolhoutsüphrü 33 Bible Online

Nuolhoutsüphrü 33 - Angami Naga bible

Nuolhoutsüphrü 33

¹Mosa mu Aron krüta khro nu Israelmiako Ijipt nunu takepar hamhie di par.

²Mosae Jihova diekhakeshü mhie di uko tuo sedekeshü thechüko puo sie puo idi thulie, mu uko thechü puo nunu tuo vovokecü hakoha.

³Thekhrü kerieu zha kerepengou nhie Israelmiako Ramese nunu tuoshü, ciekevonyi sie nhie Ijiptmia pete mhingu nunu thepfu se di tuoshü,

⁴Ijiptmiakoe Jihova thuo uko donu nu uko nuonuo nuorieko dukhrikewako khrukeba ki ukoe tuoshü: süki Jihovae uko rhuoko rei pejoshü zo.

⁵Sidi Israelmiako Ramese nunu tuo vor Sukot nu uko razhüchü chülie

⁶mu ukoe Sukot nunu tuo vor rayha tienu keba Etham nu uko razhüchü chülie.

⁷Ukoe Etham nunu tuoshü di tuo la se Baal-zefon ze kepetsou keba Pi-hahirot nu vo di Migdol tso mo zacü kinu uko razhüchü chülie.

⁸Siro uko Pi-hahirot mhodzünu nu tuo dzükezha pfüthe se rayha nu volie: sidi uko Etham rayha nu zha se tuo vo Mara nu uko razhüchü chü.

⁹Mu ukoe Mara nunu tuoshü di Elim nu vorlie, mu Elim nu dzüluo kerekenie mu kukuobo hiethenie ba; mu uko sünunu uko razhüchü chülie.

¹⁰Süsie ukoe Elim nunu tuo vor di Kemerie Dzükezha[56] khieki uko razhüchü chülie.

¹¹Siro uko Kemerie Dzükezha[57] nunu vor Sin rayha nu uko razhüchü chülie.

¹²Mu Sin rayha nunu tuo vor Dofka nu uko razhüchü chü.

¹³Siro ukoe Dofka nunu tuo vor Alush nunu uko razhüchü chü.

¹⁴Uko Alush nunu tuo vor Refidim nu uko razhüchü chü, mu sünu themiako bu krieketuo la dzü jüta.

¹⁵Uko Refidim nunu tuoshü di vor Sinai nu uko razhüchü chülie.

¹⁶Mu ukoe Sinai rayha nunu tuoshü di vor Kibroth-hatava nu uko razhüchü chülie.

¹⁷Mu ukoe Kibroth-hatava nunu tuoshü di vor Hazerot nu razhüchü chü.

¹⁸Ukoe Hazerot nunu tuoshü di vor Rithma nu razhüchü chü.

¹⁹Ukoe Rithma nunu tuoshü di vor Rimmon-perez nunu razhüchü.

²⁰Mu Rimmon-perez nunu tuoshü di vor Libna nu razhüchülie.

²¹Uko Libna nunu tuoshü di vor Risa nu razhüchü.

²²Siro uko Risa nunu tuoshü di vor Kehelatha nu razhüchü.

²³Mu ukoe Kehelatha nunu tuoshü di vor Shefer kijüthou nu razhüchü.

²⁴Ukoe Shefer kijüthou nunu tuoshü di vor Harada nunu razhüchü.

²⁵Siro ukoe Harada nunu tuoshü di vo Makelot nu razhüchü.

²⁶Mu Makelot nunu tuoshü di vo Tahat nu uko razhüchü.

²⁷Ukoe Tahat nunu tuoshü di vo Tera nu razhüchü.

²⁸Süsie ukoe Tera nunu tuoshü di vo Mithka nu uko razhüchü.

²⁹Mu ukoe Mithka nunu tuoshü di vo Hashmona nu razhüchü

³⁰Ukoe Hashmona nunu tuoshü di vo Moserot nu razhüchü.

³¹Süsie Moserot nunu tuoshü di vo Bene-Jakan nu uko razhüchü.

³²Mu Bene-Jakan nunu tuoshü di vo Hor-hagidgad nu ukoe razhüchü.

³³Mu Hor-hagidgad nunu tuoshü di vo Jotbatha nu ukoe razhüchü.

³⁴Ukoe Jotbatha nunu tuoshü di vor Abrona nu uko razhüchü.

³⁵Mu ukoe Abrona nunu tuoshü di vo Ezion-geber nu razhüchü.

³⁶Tsiu Ezion-geber nunu tuoshü di vo Zin rayha nu (Zin üse Kadesh üya) ukoe razhüchü.

³⁷Tsiu ukoe Kadesh nunu tuoshü di Edom kijü tsei gei keba Hor kijüthou geinu razhüchü.

³⁸Siro Israelko Ijipt kijü nunu taparkelie cie hiedia cie khrü pengouu zha therie nhie, Aron zievo-u Jihova diekhakeshü mhie di Hor Kijüthou gei kho di sügeinu siata.

³⁹Mu Aron Hor Kijüthou geinu siaketa ki puo kelhouzha cie krie puo di mepfüeseta.

⁴⁰Süki Kanan-u, Kanan kijü nu Negeb nu bayakezha Arab kediue Israelmiako vorkezhü sishü.

⁴¹Süsie uko Hor Kijüthou geinu tuoshü di vo Zalmona nu razhüchü.

⁴²Tsiu ukoe Zalmona nunu tuoshü di vo Punon nu razhü chü.

⁴³Süsie ukoe Punon nunu tuoshü di vo Obot nunu razhüchü.

⁴⁴Ukoe Obot nunu tuoshü di vo Moab rie khieki keba Iye-abarim nu razhüchü.

⁴⁵Mu uko Iyim nunu tuoshü di vo Dibon-gad nu razhüchü.

⁴⁶Tsiu ukoe Dibon-gad nunu tuoshü di vo Almon-diblathaim nu razhüchü.

⁴⁷Süsie ukoe Almon-diblathaim nunu tuoshü di vo Nebo mhodzü keba Abarim kijüthouko geinu razhüchü.

⁴⁸Tsiu uko Abarim kijüthouko geinu tuoshü di vo Jordan rü khie Moab razha nu keba Jeriko nu razhüchü.

⁴⁹Mu ukoe Jordan rükhie Moab razha nu Beth-jeshimot nunu Abel-shittim ketso razhüchüchü.

⁵⁰Siro Jordan rü khie Moab razha Jeriko nunu Jihova Mosa ki:

⁵¹Israelko ki pushücie: nie Jordan rü cie se Kanan nu kele ki,

⁵²nie mhodzünu nu rünako nu themia lhoukeba pete whuowa morosuo, mu nie ketsie miarhiko pete mu uko terhuorhiko pete pekawa morosuo; mu uko rüsuochü thechü kerükrieko pete bierhuowa morosuo.

⁵³Mu nie kijü pevielie di sünu lhoulie morosuo, kekreilamonyü nieko bu pie nie rüvie chütuoü di ae kijüu pie nie tsüwate.

⁵⁴Tsiu nie dape di upfutsanuo za parkelieu pie süu tsüshü idi kijü rhuo kezalie; themia kekramia kayie pie tsü pekra mu themia ketsamia kayie pie tsü petsa morosuo. Kehourapuorei puo za parkeliemia süu puo vietatuo, niekoe pfutsanuo pfutsanuo idi kijü rhuo keza morosuo.

⁵⁵Derei nie nie mhodzünu nu themia lhoukebako whuowa mo liro, nie uko khapie kebako bu nie mhi nu kerhu lekecü nu zohu kemhie batuo, sidi nieko rüna chükeba kijü sünu uko bu nie keyhutuo.

⁵⁶Mu a uko gei chüshütuoü kebau pie nieko gei chüshütuo.