Read Angami Naga Nuolhoutsüphrü 34 Bible Online

Nuolhoutsüphrü 34 - Angami Naga bible

Nuolhoutsüphrü 34

¹Süsie Jihovae Mosa ki:

²Israelmiako bu die hau zelie morokesuo uko ki pushücie: Nieko Kanan kijü nu kele ki (Kijü hau pie nie bu nie kayie kijü chütuo, Kanan kijü, therieko haha),

³Edom khieki keba Zin rayha pie pekhrotsa liro Kesia Dzükezha[58] thela nunu sede di theriechütuo, mu pekhrotsa therieko metsie dzükezha kela nunu niathutsa votuo,

⁴sidi therieu bu pekhrotsa Akrabim ketso khor di pekhrotsa va se Zin nu votuo, sidi Kadesh-barnia pekhrotsa nu Hazar-adar nu par di Asmon nu votuo.

⁵Sidi Asmon nunu Ijipt rütsa va vo di Dzükezha pie puo thela chütuo.

⁶Siro kisietsa rieu liro, Dzükezha Kezhau mu puo rieko tuo, hau pie nie kisietsa rieu chütuo.

⁷Siro pesotsa nieko rieu bu hautuo: Nieko rieu bu Dzükezha Kezhau nunu Hor Kijüthou gei va votuo,

⁸Hor Kijüthou geinu Lebo-Hamathtsa vo Zedad ketso tuo.

⁹Sidi therie süu Zifron nu partuo, mu Hazar-eram nunu süu kela chütuo, hau pie pesotsa nie rie chütuo.

¹⁰Siro niathutsa nieko rieu Hazar-enan nunu Shefam ketso votuo;

¹¹sidi therieu Shefam nunu Ain niathutsa keba Ribla nu ketuo; mu niathu kevatsa si zo ke di Kineret dzükezha tsotuo.

¹²Sidi therieu bu si zo Jordan nu ketuo, mu Kesia Dzükezha nunu puo thela chütuo. Hau pie nie kijü rieko chütuo, therie cüko medzi di.

¹³Siro Mosae Israelko ki diekhashü di sie, Jihova seyie thepfüko mu seyie puotieu tsütuoü di pukeshü kijü hau niekoe dape di weketuo la kezaliecie.

¹⁴Kekreilamonyü Reuben yiemiako u pfutsanuo, Gad yiemiako u pfutsanuo mu Manasseh yiemia tietsa idi uko kijü nguliete;

¹⁵seyie kenie mu seyie puotie hakoe Jordan rü khie lutsa Jeriko niathutsa, niaki kepartsa nu uko kijü nguliete.

¹⁶Süsie Jihovae Mosa ki:

¹⁷Themia hako bu nie kayie chüketuo la kijü keza pie nie tsüshütuo: Eliazar zievo-u mu Nun nuou Joshua.

¹⁸Mu kijü nu kayie kezaketuo la seyie pete nu krüta puopuo zeliecie.

¹⁹Uko za hako: Juda yiemia Jefune nuou Kaleb,

²⁰mu Simeon nuonuoko yiemia Amihud nuo Shemuel.

²¹Benjamin yiemia Khislon nuou Elidad.

²²Dan nuonuoko yiemia donu krüta, Jogli nuou Buki.

²³Josef nuonuoko Manasseh nuonuoko yiemia donu krüta puo Efod nuou Haniel.

²⁴Efraim nuonuoko yiemia krüta puo, Shiftan nuou Kemuel.

²⁵Zebulun nuonuoko yiemia krüta puo Parnak nuou Elizafan.

²⁶Isakar nuonuoko yiemia krüta puo Azan nuou Paltiel.

²⁷Asher nuonuoko yiemia krüta puo, Shelomi nuou Ahihud.

²⁸Naftali nuonuoko yiemia krüta puo, Amihud nuou Pedahel.

²⁹Kanan kijü nu Israelmia nuonuoko kijü kezaketuo la Jihova diekhapie themia hako tsüshü.