Read Angami Naga Nuolhoutsüphrü 7 Bible Online

Nuolhoutsüphrü 7 - Angami Naga bible

Nuolhoutsüphrü 7

¹Mosae rüsuopfhekiu chü tseilie di tier pie kenhelie mu mhanya pete chü kemesalie; mu ruosuobau gei mhabouko pete tier pie kenhelie di chü kemesakelie nhie;

²Israelmia krütakoe, u pfutsanuo thekrüko uko nuolhou kephrü ki seyie krütakoe,

³ruosuo khakeshüko se Jihova mhodzünu vor, gari puo ki whekecü sorou mu thudo kerekenie, gari puo krüta kenie la, mu thudo puo mia puo puo lala idi hako khapie rüsuopfhekiu mhodzü ruosuo chüshü.

⁴Sitse Jihovae Mosa ki,

⁵Kehou pfhekiu nu mhachüketuo la, uko kinu hako lieliecie, di se Leviko tsüshülie, mia puopuo mhatho-u lala idi.

⁶Süla Mosae gari mu thudoko liepie Leviko tsüshü.

⁷Gershon nuonuoko la gari kenie mu thudo dia khashü, uko mhatho-u medzi di;

⁸mu Merari nuonuoko la uko mhatho-u medzi di, hakoe Aron zievo-u nuou Ithamar khro ba.

⁹Derei puoe mhapuorei pie Kohat nuonuoko we tsü mo, kekreilamonyü uko bu kemesachüu nu vieko, pfü mu piekecü uko mhathokecü la.

¹⁰Siro krütakoe ruosuobau kenhekelie nhie süu chükemesaketuo la ruosuo khashü, sidi krütakoe ruosuobau mhodzünu nu ruosuoko khashü.

¹¹Sitse Jihova Mosa ki: Ruosuobau chü kemesaketuo la, krütako bu khunhie mia puopuo idi ruosuo khashü morosuo.

¹²Sitse zha thenie nhie, Juda yiemia Aminadab nuou Nahshon bu puo ruosuo-u khashü.

¹³Mu puo ruosuo rakachü pie kechü mekhou puo, süu kemesa chüu shekel nu lekecü puo mesi shekel krie puo di ser mu puo mesi shekel hiethenie rakachü pie kechü tehie puo, lhacülhale ruosuo chüketuo la thou kevitho pie keri di sünie kenienie ketshu se vor.

¹⁴Cietha puo re kethengupfü shekel ker pie kechü suna hie puo ketshu;

¹⁵kethe ruosuo la thudonuo puo, tekuo chü puo mu cie puoketa tekuochüyo puo,

¹⁶kephouma ruosuo la mvüdo puo,

¹⁷tsiu kezekevi ruosuo la thudo kenie, tekuonuo puochü pengou mvüdo pengou, cie puoketa tekuo chü pengou; hakoe Aminadab nuou Nahshon ruosuo.

¹⁸Zha kenie nhie, Zuar nuou Nethanel Isakar krütau bu ruosuo khashü;

¹⁹puo ruosuo chükecü la rakachü pie kechü mekhou puo, süu kemesachüu shekel nunu lekecü puo mesi shekel krie puo di ser mu puo mesi shekel hietheniekecü rakachü pie kechü tehie puo, lhacülhale ruosuo la thou kevitho pie keri di sünie kenienie ketshu se vor.

²⁰Cietha puore kethengupfü shekel ker pie kechü suna hie puo ketshu

²¹kethe ruosuo la thudonuo puo, tekuochü puo, cie puoketa tekuonuo puochüyo puo;

²²kephouma ruosuo la mvüdo puo;

²³mu kezekevi ruosuo la thudo kenie, tekuochü pengou, mvüdo pengou, cie puoketa tekuonuo chü pengou se vor; hakoe Zuar nuou Nethanel ruosuo.

²⁴Zha se nhie, Helon nuou Eliab, Zebulun nuomia krütau bu ruosuo-u khashü:

²⁵Puo ruosuoe rakachü pie kechü mekhou puo, süu kemesachüu shekel nu lekecü puo mesi shekel krie puo di ser, puo mesi shekel hietheniekecü rakachü pie kechü tehie puo, lhacülhale ruosuo la thou kevitho tier pie keri di sünie kenienie ketshu se vor;

²⁶duna puore kethengupfü, shekel ker pie kechü suna hie puo ketshu;

²⁷kethe ruosuo la thudonuo puo, tekuochü puo, cie puo keta tekuonuo puochüyo puo;

²⁸kephouma ruosuo la mvüdo puo;

²⁹tsiu kezekevi ruosuo la thudo kenie, tekuochü pengou, mvüdo pengou. Hako Helon nuou Eliab ruosuo.

³⁰Zha dia nhie, Shedeur nuou Elizur, Reuben nuomia krütau bu ruosuo khashü:

³¹Puo ruosuoe, rakachü pie kechü mekhou puo, süu kemesachüu shekel nu lekecü puo mesi shekel krie puo di ser mu puo mesi shekel hiethenie kecü rakachü pie kechü tehie puo, lhacülhale ruosuo chüketuo la thou kevitho tier pie keri di sünie kenienie ketshu se vor;

³²cietha puore kethengupfü shekel ker pie kechü suna hie puo ketshu;

³³kethe ruosuo la thudonuo puo, tekuochü puo, cie puoketa tekuonuo chüyo puo;

³⁴kephouma ruosuo la mvüdo puo;

³⁵tsiu kezekevi ruosuo la thudo kenie, cie puoketa tekuonuo chü pengou, hakoe Shedeur nuou Elizur ruosuo.

³⁶Zha pengou nhie, Zurishadai nuou Shelumiel, Simeon nuomia krütau bu ruosuo-u khashü:

³⁷Puo ruosuoe rakachü pie kechü mekhou puo, süu kemesachüu shekel nunu lekecü puo mesi shekel krie puo di ser, mu puo mesi shekel hiethenie kecü rakachü pie kechü tehie puo, lhacülhale ruosuo chüketuo la thou kevitho tier pie keri di sünie kenienie ketshu se vor,

³⁸duna puore kethengupfü shekel ker pie kechü suna hie puo ketshu;

³⁹kethe ruosuo la thudonuo puo, tekuochü puo, cie puoketa tekuonuo yo puo;

⁴⁰kephouma ruosuo la mvüdo puo;

⁴¹kezekevi ruosuo la thudo kenie, tekuochü pengou, mvüdo pengou, cie puoketa tekuonuo chü pengou. Hakoe Zurishadai nuou Shelumiel ruosuo.

⁴²Zha sorou nhie Deuel nuou Eliasaf, Gad nuomia krütau bu ruosuo khashü:

⁴³Puo ruosuo rakachü pie kechü mekhou puo, süu kemesachüu shekel nunu lekecü puo mesi shekel krie puo di hiethenie kecü rakachü pie kechü hie puo, lhacülhale ruosuo chüketuo la thou kevitho tier pie keri di sünie kenienie ketshu se vor;

⁴⁴duna puore kethengupfü shekel ker pie kechü suna hie puo ketshu;

⁴⁵kethe ruosuo la thudonuo puo, tekuochü puo, cie puoketa tekuo chüyo puo;

⁴⁶kephouma ruosuo la mvüdo puo;

⁴⁷tsiu kezekevi ruosuo la thudo kenie, tekuochü pengou, mvüdo pengou, cie puo keta tekuonuo chü pengou: Hakohae Deuel nuou Eliasaf ruosuo.

⁴⁸Zha thenie nhie Amihud nuou Elishama, Efraim nuomia krütau bu ruosuo khashü:

⁴⁹Puo ruosuo rakachü pie kechü mekhou puo, süu kemesachü shekel nunu lekecü puo mesi shekel krie puo di ser, mu puo mesi shekel hiethenie kecü rakachü pie kechü tehie puo, lhacülhale ruosuo la thou kevitho tier pie keri di sünie kenienie ketshu se vor.

⁵⁰Cietha puore kethengupfü shekel ker pie kechü suna hie puo ketshu;

⁵¹kethe ruosuo la thudonuo puo, tekuochü puo, cie puo keta tekuo chü yopuo,

⁵²kephouma ruosuo la thudonuo puo;

⁵³tsiu kezekevi ruosuo chüketuo la thudo kenie, tekuo chü pengou, mvüdo pengou, cie puoketa tekuonuo chü pengou, haha Amihud nuou Elishama ruosuo.

⁵⁴Zha thetha nhie Pedahzur nuou Gamaliel, Manasseh nuomia krütau bu ruosuo khashü:

⁵⁵Puo ruosuoe, rakachü pie kechü mekhou puo, süu kemesachüu shekel nunu lekecü puo mesi shekel krie puo di ser, mu puo mesi shekel hietheniekecü rakachü pie kechü tehie puo, lhacülhale ruosuo la thou kevitho tier pie keri di sünie kenienie ketshu se vor;

⁵⁶cietha puore kethengupfü shekel ker pie kechü suna hie puo ketshu;

⁵⁷kethe ruosuo la thudonuo puo, tekuo chü puo; cie puoketa tekuo chü yopuo;

⁵⁸kephouma ruosuo la mvüdo puo,

⁵⁹tsiu kezekevi ruosuo la thudo kenie, tekuochü pengou, mvüdo pengou, cie puo keta tekuonuo chü pengou, haha Pedahzur nuou Gamaliel ruosuo.

⁶⁰Zha thepfü nhie, Gideoni nuou Abidan, Benjamin nuomia krütau bu ruosuo khashü:

⁶¹Puo ruosuo rakachü pie kechü mekhou puo, süu kemesa chüu shekel nunu lekecü puo mesi shekel krie puo di ser pie chü, mu puo mesi shekel hietheniekecü rakachü pie kechü tehie puo, lhacülhale ruosuo la thou kevitho tier pie keri di sünie kenienie ketshu se vor;

⁶²cietha puore kethengupfü shekel ker pie kechü suna hie puo ketshu;

⁶³kethe ruosuo la, thudonuo puo, tekuo chü puo, cie puo keta tekuo chü yopuo;

⁶⁴kephouma ruosuo la mvüdo puo;

⁶⁵tsiu kezekevi ruosuo la thudo kenie, tekuo chü pengou, mvüdo pengou, cie puo keta tekuo chü pengou. Haha Gideoni nuou Abidan ruosuo.

⁶⁶Zha ker nhie Amishadai nuou Ahiezer, Dan nuomia krütau bu ruosuo khashü:

⁶⁷Puo ruosuo rakachü pie kechü khou puo, süu kemesa chüu shekel nunu lekecü shekel krie puo di ser, mu puo mesi shekel hiethenie kecü rakachü pie kechü tehie puo; lhacülhale ruosuo la thou kevitho tier pie keri di sünie kenienie ketshu se vor;

⁶⁸duna puo re kethengupfü shekel ker pie kechü suna hie puo ketshu;

⁶⁹kethe ruosuo la thudonuo puo, tekuochü puo, cie puo keta tekuo chü yopuo;

⁷⁰kephouma ruosuo la mvüdo puo;

⁷¹tsiu kezekevi ruosuo la thudo kenie, tekuochü pengou, mvüdo pengou, cie puoketa tekuonuo chü pengou, haha Amishadai nuou Ahiezer ruosuo.

⁷²Zha kerepuo nhie, Okran nuou Pagiel, Asher nuomia krütau bu ruosuo khashü:

⁷³Puo ruosuoe rakachü pie kechü mekhou puo, süu kemesa chüu shekel nunu lekecü puo mesi shekel krie puo di ser mu puo mesi shekel hietheniekecü rakachü pie kechü tehie puo, lhacülhale ruosuo chüketuo la thou kevitho tier pie keri di sünie kenienie ketshu se vor;

⁷⁴cietha puo re kethengupfü shekel ker pie kechü suna hie puo ketshu;

⁷⁵kethe ruosuo la thudonuo puo, tekuo chü puo, cie puoketa tekuo chü yopuo;

⁷⁶kephouma ruosuo la mvüdo puo;

⁷⁷mu kezekevi ruosuo la thudo kenie, tekuo chü pengou, mvüdo pengou, cie puo keta tekuo chü pengou, haha Okran nuou Pagiel ruosuo.

⁷⁸Zha kerekenie nhie Enan nuou Ahira, Naftali nuomia krütau bu ruosuo khashü:

⁷⁹Puo ruosuoe rakachü pie kechü mekhou puo, süue kemesachüu shekel nunu lekecü shekel krie puo di ser mu puo mesi shekel hiethenie kecü rakachü pie kechü tehie puo; lhacülhale ruosuo la thou kevitho tier pie keri di sünie kenienie ketshu se vor;

⁸⁰cietha puore kethengupfü shekel ker pie kechü suna hie puo ketshu;

⁸¹kethe ruosuo la thudonuo puo, cie puoketa tekuo chü yopuo;

⁸²kephouma ruosuo la mvüdo puo;

⁸³tsiu kezekevi ruosuo la thudonuo kenie, tekuo chü pengou, mvüdo pengou, cie puoketa tekuo chü pengou, hahae Enan nuou Ahira ruosuo.

⁸⁴Israelmia peyukoe ruosuobau kenhekecü nhie hako pie ruosuobau chü kemesa, rakachü pie kechü mekhou kerekenie, rakachü pie kechü tehie kerekenie, suna pie kechü tehie kerekenie;

⁸⁵kemesachüu shekel nu lekecü mekhou puo puo mesi shekel krie puo di ser, mu tehie puo hiethenienie, rakachü pie kechü tehie mekhouko pete shekel nyie kenie di krie dia;

⁸⁶kemesachüu shekel nunu le kecü cietha puore kethengu pie tshukecü suna hie kerekenieko, puo puo mesi shekel ker, suna hie peteko kesa shekel krie puo di mepfü,

⁸⁷kethe ruosuo la khunuo pete thudo kerekenie, tekuo chü kerekenie, cie puoketa tekuonuo chü kerekenie süko lhacülhale ruosuoko sa di; mu kephouma ruosuo la mvüdo kerekenie,

⁸⁸tsiu kezekevi ruosuo la khunuo pete thudo mepfüedia, tekuo chü hiesorou, mvüdo hiesorou, cie puoketa tekuo chü hiesorou, ruosuobau kenhekelie sie hako pie ruosuobau chükemesa.

⁸⁹Süsie Mosae Jihova ki die putuoü rüsuopfhekiu nu le tse, cherubnie donu dietseidiekho bouu[15] mhogei ngukemezhie bau[16] geinu puo ki kepu mhapfhe puo si; mu süue puo ki mha pushü.