Read Angami Naga Zefania 2 Bible Online

Zefania 2 - Angami Naga bible

Zefania 2

¹Vo kenguliecie, kenguliecie, he-i, menga kemo seyieu.

²Shübe tuoi nie he petakewa mhodzü,[2] Jihova nouyie kemeriekecüu nie gei kevor mhodzü, Jihova noupfhü teisozhau nieko gei kevor mhodzü.

³Jihova pfhüliecie, kijüu nie nou kerünuo peteko, puo diekhakeshü chüyakecüko; kemiatho pfhüliecie, rünuo menekecü pfhüliecie; Jihova noupfhü teisozha nhie nie kevielie rei silie lho mu.

⁴Kekreilamonyü Gaza khawatuo, mu Ashkelon chü kemethuowatuo; Asdod themiako khinhieluo geinu whuowatuo, mu Ekron phewatuo.

⁵He-i, dzükezha khie lhou kebako, nie Keret seyieko we chülietie! Jihova die nieko petsouya. He-i Kanan, Filistinmia kijü; mu a n peka zo vo miapuorei bu lhou motatuo.

⁶Siro no, he-i dzükezha kijüko khunuo tuo chütatuo, kuopfhemia phiechü mu tekuo tuo chüwatuo.

⁷Dzükezha khie kijükoe Juda kiu lhiepie kebako vie chütatuo, sünu nu uko nhalie cütuo, mu uko thevatie Askelon kiko nu zhütuo. Kekreilamonyü Jihova uko Kepenuopfü uko rükralietuo sidi uko mia die chüketuo nunu ze la vorshütuo.

⁸Ae Moabmia mia pesekecü, mu Ammonmia mia krenyü, uko kimhie di a themiako pese shicü, siro kerüzha di kijürieko petsoukecü site.

⁹Süla, a rheiketuo tuoi, Krodiko Jihova, Israelko Kepenuopfü puya, Moab-e Sodom mhietatuo, mu Ammonmia Gomora mhietatuo, zozie mu kezie dzükhou zepfütatuo, sidi kechachie razhütatuo. A themia lhiepie kebakoe süko pekawatuo, tsiu a seyie rhei kebakoe uko pevielietuo.

¹⁰Uko kemiakokecü la hau pie u yau chüshütuo, kekreilamonyü ukoe mia krenyü, mu kemelha di krodiko Jihova themiako petsoukecü la.

¹¹Jihova kemerie chü di uko petsoutuo; puoe kijü nu terhuoko pekhe khriwatuo, mu puo ki nuketsutuo, u thuo u tha nunu, dzükezha khie thechü mu kijü rüchütsokemo seyie pete.

¹²Nieko rei, He-i Ethiopiako[3], a zhiecha bu nieko dukhriwatuo.

¹³Siro puoe puo dzie yhapie pesotsako petsoutuo, mu Asiria pekawatuo; tsiu puoe Ninevi bie kemethuowatuo, kijükesia mhie chüpie sotowatuo.

¹⁴Khunuo kro sünu zhütuo, nhachü[4] kehoupuorei; Kijükesia vükhruo mu khruleinuopfü vo kiprü gei rüsetuo; vükhruo[5] khirki nunu ruoshütuo, shüzha kezhapfü[6] kifükhro nu ruotuo, sünu sedar seithoko methuo zhüketa la.

¹⁵Hau puo nei keba nadiu khrukhre di lhou kebau, puo thuo puo üse, “A zo, mu a sie mia kekrei tuo mo” iyakecüu mo me? Kedipuo mhie di rate shi, nhachü bu kezhüchü chüte! Kehoupuorei tuo puo cie kevo pete puo rütse mu puo dzie kesütuo.