Read Angami Naga Zekaria 13 Bible Online

Zekaria 13 - Angami Naga bible

Zekaria 13

¹Sünhie David kiu gei kephouma mu mesakemoko khrü kemesaketuo la dzüluo puo partuo.

²Sünhie, krodiko Jihova puya, ae kijüu gei terhuorhi zako dathewatuo, sitse süko rükra sa motatuo; süsie rei a kijü süu geinu siedzekesiko mu sikemo ruopfüko biewatatuo.

³Mu siedzekesimia huo la sierta ro, uko puo mu u zuo nuoko sie uko ki, “No rhei balie kenjü, nie Jihova za nu kemeda pu rei simo mu” isituo; siro uko puo mu u zuokoe uko siedzekesi pukecü ki uko rhükhriwatuo.

⁴Süki siedzekesiko, mia puopuokecü, u ziemhoko se siedzekesidie pukecü ki mengalietuo; uko miasekedoketuo la pfhemie pie u whese tuolie lho,

⁵derei uko pete rei sie, “Ae siedzekesimia mo, ae lieciemia zo; kekreilamonyü a khriesa kinu kijüu pie a vie chü sesierte” situo.

⁶Sidi mia puoe uko ketso di, “N merü gei rüza hako kedipuo ga?”[12] isi ro, uko diekelakeshüu sie, “A zemia kikru nunu a rüza hako pfüliewe” isituo.

⁷“Sielie, he-i zhiechau, a kuopfheu petsoulie, a khruohi di mhachüyakezha themiau petsoushücie” idi krodiko Jihova puya. Kuopfheu vüshücie, sitse tekuoko ta cüretatuo; a a dzie chapie nhicuko geishütuo.

⁸Jihova puya, kijü pete nu se za kenie dathewatuo sidi katatuo, mu se za puou bu rhei balietuo.

⁹Sidi a za se hau pie mi nu shütuo, rakachü chü kemesakecü tuoi chü kemesatuo, mu suna kevikesuo mehokecü tuoi mehotuo. Ukoe a za kietuo, mu a uko pfhekhoshütuo. Ae sie, “Ukoe a themia zo” ituo, mu ukoe sie, “Jihova sü úko Kepenuopfü zo” situo.