Read Angami Naga Zekaria 3 Bible Online

Zekaria 3 - Angami Naga bible

Zekaria 3

¹Süsie Joshua phichükezhaue Jihova dielieu mhodzünu thakecü puo se a pengushü, mu Satan-e puo pejotuoü puo zatsa tha.

²Sitse Jihova sie Satan[1]ki, “Jihova n kerhieya, he-i Satan! Jihova Jerusalem kedakelieu n kerhieya! Themia haue mi chü se kepar zasi puo moü me?”

³Joshuae süteiki puo pfhenei kerütsekecü se di teigeidielieu mhodzünu tha.

⁴Sitse teigeidielieu puo mhodzünu kethako ki, “Puo geinu pfhe kerhu lhewalie” sishü. Siro puoe puo ki, “Harie, ae n geinu kesuokechüu lhewate; mu a pfhenei kesa se n wheshütuo” si.

⁵Sitse a sie, “Uko bu tsüze kemesa puo pie puo tsügei shüshülie” si. Süla ukoe tsüze kemesa puo pie puo tsügei shüshü mu pfhenei kesa se puo wheshü; mu Jihova dielieu sükhieki tha.

⁶Süsie Jihova dielieu Joshua chü kethepfu di sie,

⁷“Krodiko Jihova hakemhie puya: No a zhoko nu tuolie mu a n ki se morokesuo pukeshüko se balie liro, no a kiu kekhalietuo mu a dienyaki rei sa meholietuo, mu haki kethako donu lelie kevi kekuo kha n tsütuo.

⁸Süla tsie rünyüliecie, Joshua, phichükezhau, no mu n mhodzünu ketha n kezemiako! Ukoe hasie vorketuo mha zasiko zokecü la: Ae a kituo Puoco-u se vorshütuoüzhie.

⁹A ketsie pie Joshua mhodzü kezhüu, ketsie puo zo di puo zie thenie ba, a sügei puokhu thushütuo, krodiko Jihova siya, mu a zha puo nu kijü hau kejokemou chükediwatuo.

¹⁰Sünhie, Krodiko Jihova puya, nieko huoniehuo kiepie nie khubebo mu chiedebo khro shülietuo” sishü.