Read Angami Naga Zekaria 5 Bible Online

Zekaria 5 - Angami Naga bible

Zekaria 5

¹Süsie a mehoshü ru leshütshü puo pruoketuo ngu.

²Sitse puo a ki, “No kedipuo ngu ga?” A sie puo ki, “A leshütshü puo pruoketuo ngu; puocha thu mepfü; mu puozha thu ker” ishü.

³Sitse puo a ki, “Rüse hau kijü pete mhogei voya, kekreilamonyü kehoupuorei rüguyakezhamia latsa puo khuthupie ketuo tuoi dathewatuo, mu kehoupuorei tijü di rüseyakezhamia kekreitsa khuthu tuoi dathewatuo.

⁴A süu ketseshüte, krodiko Jihova siya, mu süu kerügumia kinu letuo, mu a za se tijü di rüseyakezhamia kehoupuorei kinu letuo; sidi ki sünu batatuo sidi puo cü pejüwatuo, sei mu ketsie rei.”

⁵Süsie teigeidielie a rüchü kethau tuo a ki phir di sie, “Mehoshülie, sidi kedipuo parzhü shi mehoshüi” si.

⁶Sitse a sie, “Hau kedipuo ga?” sishü. Puo sie, “Mha parkezhü hau merha[3] puo” sishü. Siro puo a ki “Hau kijü pete nu uko kephoumau[4],” sishü.

⁷Süsie mha kemesi pie krapie keba puo kezeu hieshü, mu sünu thenumiapfü puo merha[5] puo nu ba!

⁸Sitse puo sie, “Haue kecürü,” sita. Süla puoe süpfü nepie merha nu shü lawa, mu krapie keba mha kemesiu merhau gewa.

⁹Süsie a meho lasie ru thenumia kenie tuo parkezhü ngu. Unie shü teikhrie gei tuo; unie dzüra tuoi unie shü nyi; mu unie merhau kijü mu tei donu pie sieta.

¹⁰Sitse a teigeidielie a rüchü kethau ki, “Unie merhau se kirapuo votazhü ga?” sishü.

¹¹Puo a ki, “Shinar kijünu, ki chüketuo la, mu hau chülieta tse, unie-e merhau pie puo mvüdze nu shüwatuo” sishü.