Read Angami Naga Zekaria 6 Bible Online

Zekaria 6 - Angami Naga bible

Zekaria 6

¹Süsie a meho la sie ru guragari dia kijüthou kenie, merenyi pie kechü kijüthounie donu nu par.

²Guragari kerieu nu guranie merie, guragari guranie tei.

³Guragari seu guranie kra, mu guragari diau gura nie rürhü rümho.

⁴Sitse ae teigeidielie a rüchü kethau ki, “A niepuu, hako kedipuo ga?” sishü.

⁵Siru teigeidielieu a die kela di, “Hako kijü pete Niepuu mhodzünu uko thuo uko khashükewa sie, takepra teigei teikhrie diako zo.

⁶Gura keteiko ze ketuo guragariu ta rüna pesotsa va voya, kekrako ta niakratsa rüna va voya, mu rürhü rümhocüko ta rüna pekhrotsa vaya” sishü.

⁷Siro gurako par tse, ukoe tatatuoü meyhumezhieta mu kijüu pfhe whi votuoü di. Sitse puo sie, “Volie, di kijüu pfhe whi voshülie,” si. Süla uko kijüu pfhe whi voshü.

⁸Süsie puo melie peto di a ki sie, “Harie, rüna pesotsa vakecükoe a ruopfü bu peso tsa kijüko nu rüleiliete” si.

⁹Jihova die a ki vor di sie;

¹⁰rakachüko mu suna, miadie chüketuoko, Heldai, Tobija, mu Jedaia-Babilon nunu kevorko kinu pielie, sidi no sünhie Zefania nuou Josia ki volie.

¹¹Rakachü mu suna pielie di keditsüre puo chülie, sidi süu pie Jehozadak nuou Joshua phichükezhau tsügei shüshülie.

¹²Sidi puo ki krodiko Jihova hakemhie puya: Haki mia puo puo za Puoco ükecüu ba; kekreilamonyü puoe süu geinu puo dza chü thepatuo, mu puoe Jihova rüsuokiu chütuo.

¹³Jihova rüsuokiu chüshüketuou sü puo zo; puo kedi therhu pfütuo, mu puoe kediba gei balie di mha kekhatuo. Siro puo puo kediba khie zievo puo batuo, unie donu kezekevi kepfhesikelie se di.

¹⁴Siro keditsüreu Heldai, Tobija, Jedaia, mu Zefania nuou Josia dzie nu se kemenuo batuo, Jihova rüsuoki nu rükraketuo puo chütuo.

¹⁵Kepetse nu ketuoko vor di Jihova rüsuoki kechü nu kekhruohituo; sitse noe krodiko Jihova a ketsepie n ki shüücü silietuo. Noe menuo di Jihova n Kepenuopfü pfhe zelie ro mha hau chülietuo.