Read Angami Naga Malaki 1 Bible Online

Malaki 1 - Angami Naga bible

Malaki 1

¹Pukeshü die puo. Jihovae Malaki[1] geinu Israel ki mhapukeshü.

²A nieko khrie vor, Jihova siya. Derei nieko sie, “No kimhie di hie khrieshü ga?” siya. Isaue Jakob dzürieu moü me? Jihova siya. Sishierei a Jakob khrieya,

³derei Isau ngumecü; ae puo rüna kijükhruko chü kemethuo mu puo kayieu pie meseruko la kijükesia puo chüwate.

⁴Edom sie, “Hie bie pesuowate derei hie kazhüketau chü piesie lalietuo” iya ro, krodiko Jihova puya: Uko chü la pesielie vi zo, derei a süu bierhuowatuo, mia uko üse kerüzhü rünau üdi kielie kemochie, mu kechachie Jihova u gei puo nei moketa themiako üdi kielie kemochie.

⁵Nieko mhi thuo hau ngutuo, mu nie sie, “Jihova zha meyie se Israel tierie rei cie votuo” isi.

⁶Mia nuonuoe u puonuo rhuya, mu kituomiae u niepumia rhuya. Ae nie puou zo, di siro a kerhu kirapuo tuota ga? Mu a nie niepuu üliro, a rhukecüu kirapuo tuota ga? Krodiko Jihova sidi nie ki puya, He-i zievoko, a za rütseyakezhako. Niekoe sie, “Kedipuo mhie di hie n za rütseta ga?” siya.

⁷Nieko kecüca perhukewa khapie a ruosuoba geishü. Sidi nieko sie, “Kimhie di hie süu perhuwata ga?” siya. Jihova mizhüue rütsekecü vie puoü di lekecü la.

⁸Nieko khunuo puo mhi kecie pie ruosuo chü ro, süu kekrü mo üme? Mu nie kiri phiyho mu shürhokemo pie ruosuo chükecü ki süu kekrü mo üme? Süko pie nie mhokezhamia tsü dojücie; puo n ngu puo neilie morei n lielietuo me? krodiko Jihova siya.

⁹Mu tsie Ukepenuopfü neiu pfhüliecie, sitse puo u ngumezhielietuo. Kekrükecüu sü nieko zo. Puo nie kehoupuorei ngu puo neilietuo me? Krodiko Jihova siya.

¹⁰He-i nieko donu mia puo rüsuoki kikhako khawatuo, sitse nieko bu kemethuo nunu a rüsuoba gei mi the molietuo. A nieko gei a kenei ba mo, krodiko Jihova siya, mu a nieko dzie nunu ruosuo khakeshüko lielie lho.

¹¹Kekreilamonyü niaki thukesier yawinu vo leketa ketso a zae seyieko donu zapuzayie chü bate, sidi thechü pete nu mharekethengu thepie a za geishütuo, tsiu ruosuo kemesa chüshütuo, kekreilamonyü a za seyieko donu zha meyie baketa la, krodiko Jihova siya.

¹²Derei nieko Jihova mizhüu rhute idi pukeshü nunu nieko süu perhuwa, mu sügei kecücako[2] rütsetalie vi.

¹³“Kidepuorei hau la u chamezie shi” idi nieko puya, sidi niekoe a mecüte, krodiko Jihova siya. Nieko miavie sekelieko nunu morei phiyho mu chüünyükecüko se vor rüsuoya. A nie dzie nunu süko lielie vi me? Jihova siya.

¹⁴Mia puo kiriko kro nu puochü puo tuo, puoe süu pie ruosuo khashütuoü phrashü, derei mesa kemo puo pie chüshü. Themia hikecümia rüse pfütuo, kekreilamonyü a kedi kezha puo mu seyieko donu a za therhupfü zo, krodiko Jihova siya.