Read Angami Naga Mathi 3 Bible Online

Mathi 3 - Angami Naga bible

Mathi 3

¹Süteikiko Johan mia baptaiz chükezhau vor Judia rayhau nunu mia petha di sie,

²“Nie nou kedilie, teigei kedi penuotei vorketa[6] la” sita.

³Thiedzü Isaya siedzekesiu mia puo dze pu di sie, “Mia puo rayha nunu shiekhoui di: ‘Nieko Niepuu cha keseliecie, puo chako chü kemezhülie’ isi ketuo pfheu sü puo zo” sita.

⁴Siro Johan-e ut mie se puo pfhenei chü, chüzhü chiepha pie puo chie phapfü, ku mu mepfhidzü se puo ca chü.

⁵Süki themiako Jerusalem nu, Judia kijü pete nu, mu Jordan merhieko nunu puo ki vor,

⁶di u kephouma phralie di puo bu Jordan rü nunu dzülu pie uko tsü.

⁷Derei puo Farisiko mu Sadukimia kekra dzülupfütuoü vorkezhü ngu tse, puo uko ki, “Nieko prielepfü seyieko! Supuonie nieko bu noupfhünouyie nie gei phirtuoükezhü nunu talienushü ga?

⁸Süla thenoukedikelie siu bu rüchü parliecie.

⁹Siro ‘Hie rei Abraham nuo zo’ ikecü putuoü le hiecie; kekreilamonyü a nieko ki pushütuo, Ukepenuopfü ketsie hako geinu Abraham nuonuo pelhoushülie vi zo.

¹⁰Siro tsierei seidurü seiboko phinu zhü zo, süla seibo kehoupuorei puosi kevi vüliekemoko wipie mi nu shüwatuo.

¹¹“A we nie bu thenou kedilieketuo la dzülu pie nie ketsü zo, derei a sie vorkezhüu we a ki zhakuo; a puo phikou pie reilie sü mo; puoe Kemesa Ruopfü nu mu mi nunu dzülupie nieko tsütuo.

¹²Puo lieherü puo dzie nu ba, mu puo shieu he kemesa mpouwatuo, sidi puo puo lhako pie telhaki nu kengulietuo, derei puo shübeko we pie mhetalie kelho mi nunu thewatuo.”

¹³Süki Jisu dzülupfütuoü Galil nunu tuo Jordan nu Johan ki vor.

¹⁴Derei Johan süu chü motuoü di sie, “A n bu dzülupie a ketsü mese, derei no a ki vorzhü tele?” sita.

¹⁵Sirei Jisu sie puo ki, “Tsieu va sishücie; kekreilamonyü kemiathozho pete chü tseishüketuoe u bu chü kezhüu chülie ro puotou zokecü la” sita. Süla Johan rei chüshütuoüta.

¹⁶Siro Jisu dzülupfülie mumetha dzü nunu parta, süki teiko koshü puo tsü, mu Ukepenuopfü Ruopfü mekhru tuoi tsur puo gei balie.

¹⁷Sitse teigei nu mhapfhe puo, “Hau a Nuo, a kekhrietho-u, a puo ngu a neithor zo” isi ker.