Read Angami Naga Luk 3 Bible Online

Luk 3 - Angami Naga bible

Luk 3

¹Siro kediu Tiberiu Kaisar dikelie cie kerepengou cie; Pontia Pilat bu Judia kijü mhokezha chü mu Herod bu Galil kijü mho di, tsiu puo siezeu Filip bu Ituria mu Trakoniti mho di; siro Lisania bu Abilene kijü mho di,

²Siro Anna mu Kaifa unie bu phichükezha chü ba, süki Ukepenuopfü dieu rayha nu tuoyakezha Zakaria nuou Johan ki vor.

³Siro puo tuo Jordan rükhie merhie thechü pete nu vo di, kephouma valieketuo la thenoukedikecü dzülukepfü se mia petha tuota.

⁴Siro hau dze siedzekesiu Isaya leshüu nu rei thupiekezhü hamhie: “Mia puo rayha nu shiekhoui di: ‘Nieko Niepuu cha keseliecie, puo chatseko chü kemezhüliecie.

⁵Kijü razha khe luowatuo mu kijüthou tsiu kijükhru pete bie kerünuowatuo, tsiu kerüwiko chü kemezhüwatuo, mu cha kesuoko chü peviwatuo;

⁶mu themia pete Ukepenuopfü kelakelieu ngu phretuo’ ” sishü.

⁷Siro Johan-e puo bu dzülu khashü u tsünu di kevo themia kro-u üse, “Nieko prielepfü nuonuoko! Supuonie nieko bu vorkezhü noupfhüu nunu talienushü ga?

⁸Nieko nou kedilieketa siu vüliecie. Siro nie thuo nie üse, ‘Abraham sü hie pfutsau zo’ ikecü pu hie; kekreilamonyü a nieko ki pushütuo, Ukepenuopfü ketsie hako geinu zorei Abraham yiemia pelhoushülie vi.

⁹Tsie zorei seidurü seiboko phi nu zhü zo; süla sei kehoupuorei puo si kevi vüshüya kemoko wiwatuo, sidi kelhoupie mi nu shüwatuo” sishü.

¹⁰Sitse themia kro-u sie puo ki, “Siro hie bu kedipuo chülie morosuo ga?” idi ketsota.

¹¹Sitse puo sie uko ki, “Kehoupuorei boulie kenie kenyimia bu bakemomia ze kezaliecie; mu kehoupuorei kecüca kebamia bu rei sükemhie chülie” sishü.

¹²Siro khezhanuo khruoyakezhako rei dzülupfütuoü puo ki vor, mu uko puo ki, “Kepethau, hieko bu kedipuo chülie morosuo ga?” sita.

¹³Sitse puo uko ki, “Nieko bu khruonukeshü kezie cha hie” sishü.

¹⁴Chüpahiko rei sie puo ki, “Hieko bu liro kedipuo chülie morosuo ga?” ita. Sitse puo sie uko ki, “Mia kechükede, morei ketijü nu mia pejo di mia ki mha cha hie, siro nie kaza rei vi zo ükecü lelie” sita.

¹⁵Süki themiako u kemerü kho seta mu Johan üse vortuoüketuo Khristau ta zo mo ki shiü le phreta.

¹⁶Süla Johan sie uko ki, “A zo we dzü nunu nieko baptaiz chükezha zo, derei a ki zhakuokecü mia puo a sietsa vorzhie, a zo we puo phikoupha rei phreilie sü mo. Puo zo we Kemesa Ruopfü mu mi nunu nieko baptaiz chütuo.

¹⁷Puo zo we sie he kemesaketuo la lieherü puo dzienu bata zo, sidi puo lhako chü kemesapie telhaki nu shülietuo, derei shübeko we pie mhetayakemo mi nu thewatuo,” sita.

¹⁸Sidi mia tarhokeshü die kekra nunu dieliekeviu pupie themiako kieshü.

¹⁹Mu puoe, Herod kediu puo thuo puo siezeu kimiapfü Herodia ze keriketa la mu kerüzhü mhatho kekrei pete la rei puo pejo di kerhieshü,

²⁰derei mhatho kesuo hako chükewa mho nu Johan tepie kedieki nu shüwa.

²¹Siro themiako pete dzülupfükelie sie, Jisu rei dzülupfülie di kechachü tha tse, tei koshü,

²²sitse Kemesa Ruopfü mekhru rhi chüpfü di puo gei tsurta. Siro teigei nu mhapfhe puo, “No a nuo zo, a khrietho-u, a n ngu a neithor”[8] isi ker.

²³Jisue puo kelhouzha cie ser mese ki puo mhatho chü sede vü. Siro (themia noule mhie ro) puo Josef nuo. Josef-e Heli nuo,

²⁴süue Mathat nuo, süue Levi nuou, süue Melki nuou, süue Janai nuo süue Josef nuou.

²⁵Süue Matathia nuo, süue Amos nuo, süue Nahum nuo, süue Esli nuo, süue Nagai nuo.

²⁶Süue Maat nuo, süue Matathia nuo, süue Semein nuo, süue Josek nuo, süue Joda nuo,

²⁷süue Joanan nuo, süue Rhesa nuo, süue Zerubabel nuo, süue Shealtiel[9] nuo, süue Neri nuo,

²⁸Süue Melki nuo, süue Adi nuo, süue Kosam nuo, süue Elmadam nuo, süue Er nuo,

²⁹Süue Joshua nuo, süue Eliezer nuo, süue Jorim nuo, süue Mathat nuou, süue Levi nuo,

³⁰süue Simeon nuo, süue Juda nuo, süue Josef nuo, süue Jonam nuo, süue Eliakim nuo.

³¹Süue Melia nuo, süue Mena nuo, süue Matatha nuo, süue Nathan nuo, süue David nuo,

³²süue Jese nuo, süue Obed nuo süue Boaz nuo, süue Sala[10] nuo, süue Nahshon nuo.

³³Süue Aminabab nuo, süue Admin nuo, süue Arni[11] nuo, süue Hezron nuo, süue Perez nuo, süue Juda nuo,

³⁴süue Jakob nuo, süue Isak nuo, süue Abraham nuo, süue Tera nuo, süue Nahor nuo,

³⁵süue Serug nuo, süue Reu nuo, süue Peleg nuo, süue Eber nuo, süue Shela nuo.

³⁶Süue Kainan nuo, süue Arfasad nuo, süue Shem nuo, süue Noah nuo, süue Lamek nuo,

³⁷süue Methusela nuo, süue Inok nuo, süue Jared nuo, süue Mahalalel nuo, süue Kainan nuo,

³⁸süue Inos nuo, süue Seth nuo, süue Adam nuo, süue Ukepenuopfü nuo.