Read Angami Naga Pulakeshüzho 14 Bible Online

Pulakeshüzho 14 - Angami Naga bible

Pulakeshüzho 14

¹Nieko sü Jihova nie Kepenuopfü nuonuoko zo; kesiamia la nie thuo nie chü geilie lho morei nie teikhie thielie lho.

²Jihova nie Kepenuopfü la kemesa themia kro puo zocü la, mu Jihova puo thuo puo vie chüketuo la, kijü nu keba pete donunu nieko kedaliete.

³Nie mha kerütsecü puo rei cü suo.

⁴Nie khunuo hako cülie vi, thudo, tekuo,

⁵chüzhie, thelou kecüpfü, tekhra, terha-mvü, nhali, thelou mu terha kuo.

⁶Khunuo kehoupuorei puomou pro kenie chü mu puoca suokecüko nie cülie vi.

⁷Derei puoca suo morei puomou prokecüko donu nie hako cü suo, ut, zudi mu kefü, sükoe uko ca suoya derei uko mou pro mokecü la, nie la mesa mo.

⁸Mu thevo, puo mou pro derei puoca suokemo la nie la mesa mo. Nie süko chü cüsuo, mu uko kesia mo bie suo.

⁹Dzü nu keba pete donu nie hako cülie vi: puoshü kenyi mu puo lhe kenyi khe cülie vi.

¹⁰Mu puoshü jü mu puo lhe jükecü khe nie cü suo, süu nie la mesa mo.

¹¹Nie pera kemesa khe cülie vi.

¹²Derei nie hako cüsuo: tsüü, keya, khuo tekecü rümoupfü,

¹³mupfü, rümou kekreikreicü pete,

¹⁴shüzha kekreikreicü pete,

¹⁵Ostrik pfü, teizei rümou, dzükezha ra, mouvi kekreikreicü pete,

¹⁶putshüü kecüpfü, mu kezhapfü, dzürapfü,

¹⁷pelikanpfü,[9] chürhaü mu kormorant pfü,

¹⁸zemvüü, mu heronpfü kekreikreicü, bouürhü hako.

¹⁹Mu pruoyakecü khunuo kecü pete nie la mesa mo; süko cü suo.

²⁰Derei puoshü kenyi khunuo kemesa pete nie cülie vi.

²¹Nie kesia chü puorei cü suo, nie süu pie solhimia nie ra kebamia we tsü di u bu cülie vi, morei süu ze pie chazoumia tsülie vi; derei nieko we Jihova nie Kepenuopfü kitsa kemesa themia kro puo. Nie temvünuo yopuo pie puo krü nudzü nunu cha suo.

²²Teicie kepra nie lie nunu ngukelie ker za puo khashü sei morosuo.

²³Jihova nie Kepenuopfü mhodzünu, puoe puo za khapie batuoü di thechü kedakelieu nu no ker za puo khakeshü n lha, n khubedzü, mu n tier, mu thukro mu n kuokro donu nuorieko cütuo, kechachie Jihova n Kepenuopfü prei tuolieketuo la.

²⁴Jihova japie n tsüshü, di Jihova n Kepenuopfü puo za khapie baketuo la thechü kedakelieu n la cha chathorta di ker za puo khakeshüu se volie reta ro,

²⁵siro no süu pie raka chülietuo di rakau dze pie n dzie nu shülietuo, sidi Jihova n Kepenuopfü kedakelie chüu nu se votuo.

²⁶Sidi rakau pie n mengu kehoupuorei, thudo shierei tekuo shierei, khubedzü shierei morei zu kekuo kehoupuorei n kenei chütuo. Sidi noe Jihova n Kepenuopfü mhodzünu cüükrietuo, sidi n kinumia ze n neituo.

²⁷Mu noe Levimia n ra kebamia rükra motalie lho, puoe n ze di puoya morei puo phruo jükecü la.

²⁸Cie se tseilie ro, noe n mhatho ker za puo-u se vor di n rüna nu shülietuo;

²⁹sidi Levimia n ze di puoya morei puo phruo jükecü la, mu solhimia, merünuomia, mu samimia n ra kebako bu vor cü di pevülietuo, Jihova n Kepenuopfü bu n dzie mhatho pete nu japie n tsülieketuo la.