Read Angami Naga Pulakeshüzho 23 Bible Online

Pulakeshüzho 23 - Angami Naga bible

Pulakeshüzho 23

¹Themia udzü pecükewamia, morei u pezuro dakewamia bu Jihova kehouu nu lelie lho.

²Tekhruonuomia bu Jihova kehouu nu lelie lho. Puo yiemia phou ker ketso rei Jihova kehouu nu lelie lho.

³Ammonmia morei Moabmia puorei bu Jihova kehouu nu lelie lho, u yiemia phou ker ketso rei Jihova kehouu nu lelie kenjü,

⁴niekoe Ijipt nunu kepar ki ukoe nouva mu dzü se di nie ze kesekemo la, mu ukoe pie rüseketuo la Mesopotami-a kijü nu Pethor nu kelhou Beor nuou Balam zhakhrükecü la.

⁵(Derei Jihova n Kepenuopfü Balam die rünyü mota, di Jihova n Kepenuopfü n khriekecü la rüseu kedi pie n la theja puo chüwa.)

⁶No kechachie uko rüü mu uko dzevi pfhü morei vi.

⁷No Edommia we mecüta suo, puo n siezedzürie zocü la. No Ijiptmia mecüta suo, no vapuo puo kijü nu chazoumia chü di lhoukecü la.

⁸Uko nuonuoko phou seu nunu Jihova kehouu nu lelie vitatuo.

⁹No n ngumvümia whuo pra di razhüchü nu bakecü ki, mha kesuo neiü nunu n kethelie morosuo.

¹⁰Nie donu mia puoe theva gei puo phou mesa mota ro, puoe razhüchü casie pratatuo, puo bu razhüchü nu ler suo,

¹¹derei thevatieta ro, puoe dzü rülouwatuo, sidi niaki leta ro puo razhüchü nu lerlie vi.

¹²No razhüchüu casie thechü puo khapie ba di, no sünu prapra morosuo.

¹³Sidi n nyako donu reize puo sa morosuo, sidi chazou ba tsutuo ro, no süu pie kijü holietuo, di n buo n zu whewa morosuo.

¹⁴Jihova n Kepenuopfü n shüphralieketuo la mu n ngumvümia pie n dzienu shüshüketuo la, n razhüchüu nu whituoya zo; süla no razhüchüu bu mesa morosuo, puo bu nie donu mha kethevie ngu di nie razhüchüu mecüta molieketuo la.

¹⁵Kituomia puo niepumia kinu nu ta n ki vorketau, no kha lapie puo niepuu tsü suo.

¹⁶Puo bu nie donu nie rüna puo medora, puo neitho-u nu nie ze balie, no puo pese suo.

¹⁷Israelmiapfü la we rüsuoki nu medziyakezha pieükechü bu tuo suo, mu Israelmia thepfuko donu rei sümhie thetheliekecü bu tuo suo.

¹⁸Nie phrakeshüu sushüketuo la thethenumia zhakhra zha morei thepfumia pieü[22] zharei se Jihova n Kepenuopfü kinu ler suo, harie kenienie rei Jihova n Kepenuopfü mhodzünu mha kerütse zokecü la.

¹⁹No puopra lie di mha pie Israelmia pecalie lho, raka pra shierei kecü vie pra shierei, mha kehoupuo pra shierei.

²⁰Rünamia ki we puopra lie di pecashülie vi, derei n siezeu ki we puopra lie di pecalie kenjü; no le di pevielietuoü kezhü kijüu nu no mha kehoupuo chü zorei, Jihova n Kepenuopfü bu japie n tsülieketuo la.

²¹No Jihova n Kepenuopfü ki n die phrashü ro, khakeshü nu menyhota suo; Jihova n Kepenuopfü n rüdie zotuo, mu no phoumata molieketuo la.

²²Derei n die phrashü moro n kephouma jü.

²³N tie nunu pu phrakeshüu chüshü beituoükecü la menuo morosuo, kekreilamonyü noe n tie nunu phrakeshüu sü Jihova n Kepenuopfü ki phrashüta zo.

²⁴No n zanuou khubelie nu tsu ro, no khubesi cü kenyü de cülie vi, derei no puorei pie n viebou nu shülie suo.

²⁵No n zanuou lie lhame nu vo ro, n dzie pie puokre thelie vi, derei zhiepfhinuo pie n zanuou lha re suo.