Read Angami Naga Pulakeshüzho 31 Bible Online

Pulakeshüzho 31 - Angami Naga bible

Pulakeshüzho 31

¹Siro Mosae die hako pete se Israelmia pete ki pushükewasie,

²uko ki, “A cie krie puo di mepfüte; a pra mu lelie kenjüte, siro Jihova a ki, ‘N bu Jordan hau ciepfülie lho’ sishüte.

³Jihova nie Kepenuopfü thuo nie mhodzü hau ciepfütuo, puoe n mhodzü seyie hako pekawatuo, sidi noe uko vie lielietuo. Mu Jihova pukeshü tuoi, Joshua nie mhodzü patuo.

⁴Mu Jihova Amorko kedi Sihon, Og mu uko kijü pekakewa ki, chükeshü tuoi, uko gei chüshütuo,

⁵Jihova uko khapie nieko tsüshütuo, mu niekoe a diekhakeshü tuoi, uko gei diekhakeshüko pete chüshütuo.

⁶Meteilie mu thepfulie, michie hie, mu uko preita hie; Jihova nie Kepenuopfü thuo nie ze vo zotuo; puoe nie la thashü mo morei nie khawalie lho” sishü.

⁷Mu Mosae Joshua kielie di Israelmia pete mhingu kinu puo ki pu di sie: “Meteilie mu thepfulie, kekreilamonyü noe themia hako ze Jihova uko puonuoko ki rüse di pie uko tsütuoükeshü kijüu nu uko ze letuo; mu noe uko bu süu lielietuo.

⁸Jihova thuo n mhodzü tuotuo. Puo n ze tuotuo, puoe n la thashü motalie lho, morei n khawalie lho michieta hie morei n nou thachüta hie” si.

⁹Mosae thezho hau thulie di khapie Jihova Dietseidiekho bou kepie Levimia zievoko mu Israel phichüko pete tsüshü.

¹⁰Mosae uko ki, “Cie thenie tseiketa ki, vaketsü teicieu nu puotei touki, pru nyi ki,[24]

¹¹Israelmia petekoe Jihova nie Kepenuopfü thechü kedakeshüu nu puo mhodzünu volie tse, noe Israel pete bu silie kevi nunu thezho-u phrüshütuo,

¹²themiako kiekengulie, thenu, thepfu, nhicumia mu nie ra keba solhimiako, uko bu rünyülie di Jihova dieko pete menuo di chüüzelieketuo la.

¹³Uko nuonuo süu sikemoko bu rei rünyülie di nie Jordan ciepra pevietuoü kezhü kijüu nu lhou kebachie Jihova nie Kepenuopfü prei seilieketuo la” sishü.

¹⁴Jihova Mosa ki, “Harie no siataketuo tei penuo vortazhie; Joshua kieshülie, sidi nnie kehou pfhekiu nu volie, a bu puo thoko pie puo pelewaketuo la” sishü. Sitse Mosa mu Joshua unie kehou pfhekiu nu vo balie.

¹⁵Ru Jihovae kimhou co puo nunu vor, di kimhou co-u pfhekiu kikha nu thalie.

¹⁶Sitse Jihovae Mosa ki, “Telhe mo di, no n puonuoko ze zhütatie, mu themia hakoe vo mia ze batuoükezhü kijü nu sikemo rhuoko ze pieü chütuotatuo, ukoe a khawatuo, mu a uko ze dietseidiekho chükeshüu varhuowatuo.

¹⁷Sünhie a nouyieu uko gei tusietuo, sidi a uko khawatuo mu uko mhodzü kinu a zie kevielietuo, sitse ukoe mia chüte chütatuo, mu kemezhiekecü kekra uko gei vortuo, sitse ukoe sünhie sie, ‘Mha kesuo hakoha u gei kevor Kepenuopfü u donu ba motakecü la mo me?’

¹⁸Mu ae sünhiesü a zie kevielieta ketho zotuo, ukoe terhuo kekrei kitsa vata di mha kesuo pete chüketa la.

¹⁹Süla tsie tsali hau thulie, di pie Israelko pethashülie; süu khapie uko tie nu shülie, tsali hau bu Israelmiako petsou di a zhapu puo chülieketuo la.

²⁰Kekreilamonyü ae rüse di uko puonuoko tsütuoü di pukeshü mithunudzü mu mepfhidzü krukezhü kijüu nu uko ze vorshü, ukoe mhacü pevülie di tuolie tse, ukoe rürei terhuo kekrei kitsa vata di süko lie chütatuo, di a zhase mu a dietseidiekho varhuowatuo.

²¹Mu mhakesuo mu kemezhiekecü kekra uko gei vorlie ro, tsali haue zhapu puo tuoi sier, uko petsoutuo, uko nuosenuoyieko tie nu tuo seituotuo, rükra mota mo di. Kekreilamonyü tsie a uko ze rüse di a pie uko tsütuoükeshü kijüu nu vorshü moluokecü nu zorei, uko nei uko medo rhükezhü a si phre ba” si.

²²Sidi Mosae sünhiesü tsali hau thulie di pie Israelmiako pethashü.

²³Siro Jihovae Nun nuou Joshua bu thepie pfülie di puo ki, “Meteilie mu thepfulie, noe Israelmiako ze a rüse di pie uko tsütuoükezhü kijü nu vorshütuo, a n zetuo zotuo” sishü.

²⁴Mosae thezho hau dieko pie leshüda puo nu thu tseilie tse,

²⁵Mosae Jihova dietseidiekho bou-u kepie Leviko ki pu di sie,

²⁶“Thezho Leshüda hau pielie, di pie nie petsou ketuo zhapu puo la, Jihova nie Kepenuopfü dietseidiekho bou-u khieki khapie balie.

²⁷Kekreilamonyü a nieko mia perhiepetsoukecü mu nieko nou tsaikecü sü si; mu harie a thie rhei di nieko ze baluokecü nu, niekoe Jihova perhiepetsouta, mu a se sie we hapfülie lho zo.

²⁸Nie seyie nu phichüko, mu kezhako pfhükengulie, a bu die hako pie uko nyie kinu phrüshüketuo la, sidi tei mu kijü kie pie uko petsou di zhapu chüketuo la.

²⁹Kekreilamonyü, a se sie, nieko mha kesuo chü phi zotuo, sidi a nie ki diekhakeshü chau nunu rüditatuokecü a siba zo; mu thelatsa kesuo nieko gei vortuo, niekoe Jihova mhingu ki suo zokecüu chüshü di, nie dzie mhatho nunu puo neikemo chüketuo la” si.

³⁰Sitse Mosae Israel mechü kehou pete ki tsali hau die pete pushü puo thela tso: