Read Angami Naga Pulakeshüzho 34 Bible Online

Pulakeshüzho 34 - Angami Naga bible

Pulakeshüzho 34

¹Süsie Mosae Moab razha nunu Nebo kijüthou, Pisga zü gei kholie, süusü Jeriko rütsietsa ba, mu kijü pete pie puo kieshü Gilid nunu Dan ketso.

²Naftali pete, Efraim mu Manasseh kijü mu Juda kijü pete Niakratsa Dzükezha ketso.

³Negeb nu kijü mu Razha süusü kukuobo keba Jeriko nadiu vo Zoar ketso.

⁴Sitse Jihova sie puo ki, “Abraham, Isak mu Jakob ki rüse di, ‘A hau pie nie nuosenuoyie tsütuo’; idi pupie kezhü kijüu sü hau. A n bu n mhi pie ngushüte, derei n bu sünu pfülie lho” sishü.

⁵Sidi Jihova kituou Mosa sü Jihova die kemhie Moab kijü nunu siata.

⁶Sidi puoe Bet-peor rütsietsa Moab kijü nu kijü Razhau nunu puo khruwa, derei thie ketso miapuorei puo kekhru chüu si mo.

⁷Mosae siaketa ki, cie krie puo di mepfüta, puo mhi merüta mo mu puo phou kekuo thachüta mo.

⁸Mu Israelkoe Moab razha nu zha ser Mosa mezhie, süsie Mosa mezhiekecü mu puo krükecü zhako tseita.

⁹Mu Nun nuou Joshua sü mhasi ruopfü thuo puo ketshu chülie, Mosae puo dzie pie puo gei khashükewa la, sidi Israelkoe puo diezelie, Jihovae Mosa ki diekhakeshü tuoi.

¹⁰Süsie Israelko donu Mosa tuoi siedzekesi Jihova ze kesi toukecü sier mota,

¹¹Jihova puo ketseshü di puo bu Ijipt kijü nu, Faro mu puo kituoko pete ki nu puo kijü pete nu zasiko mu ungomhathoko chükeshü kemhie miapuorei sier mo,

¹²mu kekuo kezha mu mhatho zha mu kemeriekecü pete Mosae Israel pete mhodzünu chükeshü puo kemhie sier mota.