Read Angami Naga Mhakechüko 6 Bible Online

Mhakechüko 6 - Angami Naga bible

Mhakechüko 6

¹Pethakelieko kra partazhükecü ki, Grik die kepu Judakoe Ibriko gei panya sierta kekreilamonyü teisonhie kecükekrie kezakecü nu uko samipfüko rükra motaya üta.

²Süla kerekeniekoe pethakelie kro-u pete kie kengushü di uko ki “Hieko zo we Ukepenuopfü die pie pethakecüu khawa di mizhü geinu chalie chü bataketuo puotou mo.

³Süla, kezeko[30], nie thuo nie donu thetshe kepfü mu Kemesa Ruopfüu bu tshukepfü mia thenie kedapie chalie süu chülie,

⁴derei hie zowe hie pie kecha nu mu dieu pie mia kepetha lietho-u nu batatuo” si.

⁵Uko kepuko mia pete u nei phreta, sidi uko Stefan, kepele mu Kemesa Ruopfü bu tshukepfüu, mu Filip, mu Prokora, mu Nikanor, Timon, mu Antiokmia di sier Judamia zho zeketa Nikola, hako kedalie.

⁶Sidi süko ze apostelko mhodzünu vor thalie di uko bu süko la cha mu u dzie yhapie süko geishüshü.

⁷Ukepenuopfü dieu keza miemie vota, Jerusalem nu pethakelieko kro-u kra phi sierta, tsiu zievomia kekra kepeleu dieze chüta.

⁸Stefan-e ngukemezhie mu kekuo puo tshupfü di themiako donu u ngo mhatho mu zasiko chüshü.

⁹Derei Phreishüwaketamia sinagog (idi kieya) nu tsüphrü chüyakezha Kurinmia, mu Alekandramia, mu kekreimia Kilikia mu Asia nunu kevorko Stefan ze kemeüta.

¹⁰Sirei puo mhasi mu Ruopfü kekuo se di die kepu la uko puo meülie lhota.

¹¹Sitse uko pekhre huomia nou chüshü di uko bu sie, “Puo Mosa mu Ukepenuopfü ketha die kepu hie siwe” ita.

¹²Siro uko themia kro-u, pehüko mu thezho kepethako ketshüshü di uko bu Stefan teze mechü kehouu nu vota.

¹³Siro uko ketijü zhapumia huo ze vor di, uko bu sie, “Themia hau kemesa chüu mu thezho-u thacü teya mo.

¹⁴Jisu Nazaret-u[31] thechü hau bierhuowa mu Mosa zhoko ze kevorko chü kediwatuoü di kepu hie siwe!” ita.

¹⁵Süki mechü kehouu nu keba pete Stefan meho terüpfü ba ru, puo zie teigeidieliemia zie tuoi parketa nguta.