Read Angami Naga Rommiako 13 Bible Online

Rommiako 13 - Angami Naga bible

Rommiako 13

¹Kehoupuorei sorkari kekuo se kebako die zeliecie; Ukepenuopfü kinu vor kemosie kekuo puorei tuokemo la, mu kekuo sekeba zhoko Ukepenuopfü thuo khapie keba zo.

²Süla kehoupuorei kekuo süu petsou ro Ukepenuopfü thuo pethopie kebau petsoute, mu siyakezhamia kepejo ngulieya.

³Kekreilamonyü kezhamiakoe mha kevi chüyakezhamia kedeya mo, derei sükoe mha kesuo chüyakezhako gei phiya. No kekuo seyakezhamia prei mo di ba nyüya me? Siüro, mha kevi chülie, sitse no thetshe pfülietuo;

⁴keba zo. Derei mhakesuo chüya ro, no michieliecie, kekreilamonyü kekuo se kebau kemethuo nu zhiecha se ba mo. Ukepenuopfü lietho chü di mha kesuo kechümia gei noupfhü khashüketuo la baya.

⁵Süla mia puoe noupfhü keprei la rübei monyü puo nounu puotouu le di chüliecie.

⁶Kekuosekebakoe Ukepenuopfü liethomia chü keba la, nie rei süu la khezhanuo khashü zhü.

⁷Süla mha pie tsü kezhüko tsüwalie, khezhanuo khashü kezhüu khashüwalie, u zha khashü kezhüu chüwalie, prei kezhüu preilie, mu rhu kezhüu rhulie.

⁸Huoniehuo khriekecütsa sie mia puo pu rei pfü hie; kekreilamonyü mia khriekezhau thezho-u chü tseilieya.

⁹Diekhakeshü nu pukecü, “No pieü chü lho; No mia dukhri lho; No rügu lho; No mha mehou lho” si; mu diekhakeshü kekreiko rei die hau nunu par zo, “N siezanuomia khriepie n thuo n kekhrie mhielie” isi.

¹⁰Kekhrie-e puo siezanuomia gei mha kesuo puorei chüya mo; süla kekhrie-e thezho-u chü tseishüya.

¹¹Sizomonyü, nieko puotei-e kedipuo shi si batuo, süu la niekoe zekezhü tei nunu cokelie tei silie. Thiedzü we pelechie siekelie ki rei tsiewe kelakelieu u penuokuoketa la;

¹²teizeizhau tseitazhie, teisotie penuo bate. Süla úko kezeiu mhathoko khawa di kezieu rünyieko chü pfülie khe;

¹³teisogei tuoi úko lhou menuolie khe, mu kemeze, mha kesuo morei mesa kemo, kegeikecü mu mia ngu u rokecüko chü molie khe.

¹⁴Sikecüumonyü u Niepuu Jisu Khrista chü dzielie, mu chüüphou rüyako chütuoü mhapuorei le hie.