Read Angami Naga Rommiako 16 Bible Online

Rommiako 16 - Angami Naga bible

Rommiako 16

¹A nie ki u üpfü Foibe, Kenkria nu dikon[34] chüyakezhapfü zhapu chüshüya,

²nieko puo üse Niepuu kitsa ketuomia üdi puo zeliecie; kemesako sikecü mese, mu nieko puo tsopfhü ki mha kehoupuo nu zorei puo khruohiliecie, kekreilamonyü puo themia kekra mu a zorei vaphi seyakezhapfü puo zo.

³A ze kedziese di Jisu Khrista lietho chüyakezha Priskila mu Akila nie kelushü ho,

⁴unie a la unie phou rei khashütuoü sie zo, unie, a rübei zomonyü Judakemoko kehouko rei pezie ho.

⁵Siro unie ki nu kehouyakezhako rei kelushü ho. Mu a khrieu Epaineto rei kelushücie, puoe Asia nu Khrista pelelie kerietho-u.[35]

⁶Maria rei kelushücie, puoe nieko la thehiechü phi.

⁷A seyiemia mu a ze kedie kechü Adronika mu Junia unie kelushücie, unie apostelko donu rei therhukepfümia, mu unie a mhodzü rei Khristamia chüketamia.

⁸Ampliata rei kelushücie, u Niepuu kitsatie a khrieu zo.

⁹Khrista kitsa kere lietho chüyakezha Urbano mu a khrieu Staki rei kelushücie.

¹⁰Khrista kitsa va kethoketau Apele rei kelushücie. Aristabulo kikruu rei kelushü ho.

¹¹A seyiemia[36] Herodion rei kelushücie. Niepuu kitsa tuoketa Narkiso mu puo kinuko kelushücie.

¹²Niepuu kitsa lietho chüyakezhanie Trifena mu Trifosa unie kelushücie. Thekhriepfü Persi rei kelushü ho, puo Niepuu la thehiechü phi zo.

¹³Niepuu la kedakelieu Rufu rei, mu puo zuo rei, puo a zuo rei sa zo, unie kelushücie.

¹⁴Asikrito, Flego, Hermi, Patroba, Herma mu süko ze keba u zeko rei kelu phreshücie.

¹⁵Filologu mu Julia, Nerio mu puo üpfü, mu Olimpa, siro süko ze keba kemesako pete kelu phreshücie.

¹⁶Kemesako kemebokecü zho se nieko huoniehuo kelushücie. Khrista kehouko pete nie kelushü ho.

¹⁷A üpfüko mu siezedzürieko,[37] nie pfükho mu thephi kemesü chüyakezhako, mu nie pethapfülieketau petsouyakezhako lalie mu therhie zolienu nie tarhoshüya.

¹⁸Kekreilamonyü siyakezhamia u Niepu Khrista lie chü monyü u thuo u va lietho chükezha zo, mu süko die pu pesikhuoi mu mha kese die pu di miamoko nou se ketsiwaya.

¹⁹Nieko dieze chüyakezha, mia pete site, a rei nieko la a nei ba, a nieko bu mha kevitsa la mhasilie nyü, derei mha kesuotsa we si kemopfü chü zo nyü.

²⁰Ukepenuopfü noune se u tsüyakezhau pecha mo di Satan penyüpie nie phikhroshüwatuo. U Niepu Jisu ngukemezhieu bu nieko ze baliecie.

²¹Timothi, a dzieseu nieko kelushü ho, mu sümhie a seyiemia[38] Lukia, Jason mu Sosipater rei sishü ho.

²²Leshü hau thukeshü, a Tertio, rei Niepuu za nu nieko kelushü ho.

²³A puo so chü keba Gaya mu puo kinu kehouyakezha kehouu rei nieko kelushü ho; Erasta, rüna kinyikeseu, mu u zeu Kouarto rei nieko kelushü ho.

²⁴Niepuu Jisu Khrista ngukemezhieu bu nieko ze baliecie. Amen.

²⁵Ukepenuopfü nie chüpie nie kepele nu, a dieliekeviu mu Jisu Khrista dze pukeshü, thiedzü keviepieketuo ketho mhasi pie u pekiekeshüu nunu nie bu metei thalietuo,

²⁶derei tsiewe kechachie Ukepenuopfü dieu la siedzekesiko leshüko geinu die kesou süu si kemecielie di mia bu kepele dieu zelieketuo la pupie Judakemomia peteko pesishüwate,

²⁷puo rübei mhakesi Ukepenuopfü, bu Jisu Khrista geinu kechachie zayie chükelieu chücie. Amen.