Read Angami Naga Rommiako 6 Bible Online

Rommiako 6 - Angami Naga bible

Rommiako 6

¹Siro we kedipuo pu sata? Ngukemezhie bu kralieketuo la kephouma nu ba zotuo me?

²Suotuo! We kephouma kitsa siaketako kikidi sünu lhou sa volie vituo ga?

³We Jisu Khrista nu dzülupfükelie pete rei puo seu nu dzülupfülieta zocü nie si mo me?

⁴We dzülupfükecü nu puo seu ze puo chü di u khruwate, sidi Puou zayie üse kesia nunu Khrista chü perhei lakelie mhiei u bu rei kelhou kesa se lhou tuolieketuo la, we dzülupfükecü nu puo seu ze puo chü di u khruwate.

⁵Kekreilamonyü we puo seu nu puo ze puo chülieta ro, puo mhie we rei rheilakesie nu puo ze puo chülietatuo.

⁶We u kephouma miau pejüwa di kephouma die chü sa molieketuo la mia keweu pie puo sa krus geinu gouwatakecü si touliecie.

⁷Kehoupuorei siakewamia la kephouma nunu phreishüta zocü la.

⁸We Khrista ze siawata üro, we puo ze di rhei reilieketuo pelete.

⁹Kekreilamonyü Khrista kesiako donu nu rheikelie sie sia la salie lhotakecü we si bate; puo mho kesia puo kekuo ba sa mote.

¹⁰Puo seu, kephouma kitsa la vapuo chü sia, puo rheituoketa kerheiu we Ukepenuopfü kitsa la zo.

¹¹Süla nieko rei kephoumatsa la siata zo, mu Jisu Khrista nunu Ukepenuopfü kitsa rhei tuota ücü leliecie.

¹²Süla nieko siatalie kevi chüüphou menguko dieze chü di kephoumau bu cieürietaketuo nie mo-u mho di sa hie.

¹³Morei nie mo-u gei za puorei khapie kephouma nu shü di mhatho kesuo chüketuo rünyie puorei chü hie, derei kesia cie kerhei nu praketa themia chü di nie thuo nie pie Ukepenuopfü kitsa shülie, mu kemiatho mhatho chüketuo rünyie chülieketuo la nie mo rei pie Ukepenuopfü kitsa shüliecie.

¹⁴Silie ro kephouma bu nie mho di sa lhote, nie thezho-u khrükhro mo nyü ngukemezhieu khrükhro bate.

¹⁵Di siro ki ta? We thezho-u monyü ngukemezhieu khrükhro baketa la kejokemou chü ba zotuo me? Suotuo!

¹⁶Nieko rei si tou ba, nie thuo nie khapie mia die chü di mha huo dieze chüketa ki puo dieze chüyakezhau diemiate, süu kephouma diemia liro kesia nu vo iya, mu dieze üro miathokelie nu zo.

¹⁷Derei Ukepenuopfü peziewe, nie va puo kephouma die chü, derei süsie nie nou pete se ketho-u pie nie pethakeshü ngukelieu dieze chü tuote.

¹⁸Mu tsiewe kephouma nunu nieko shüphralie di nie bu kemiatho die chüliete.

¹⁹Nie chüüphou thachücü la a themia rüli geinu nieko ki puya. Nie thiedzü mhakesuo chüketuo la nie phou kha tseipie mesakemo mu kesuo die kechü tuoi, tsiewe lhou mesalieketuo la nie phou khapie kemiatho die chüliecie.

²⁰Nieko thiedzü kephouma die chüketuo ki kemiatho kitsa ba mo.

²¹Siro nie chükewa la tsie menga keba mhathoko la kedipuo kemevi ngulie ga? Mha sükoe thelaue kesia zo.

²²Derei nie tsiewe kephouma ciepralie di Ukepenuopfü diemia chüte, süu siue nie chü kemesalie. Süu thelae kechachie kerhei.

²³Kekreilamonyü kephouma zhakhrae kesia, sirei Ukepenuopfü u Niepu Jisu Khrista nunu methuo khapie u ketsüu we kechachie kerhei zo.