Read Angami Naga Korintmiako Kerieu 13 Bible Online

Korintmiako Kerieu 13 - Angami Naga bible

Korintmiako Kerieu 13

¹A themia morei teigeidieliemia die pulie zorei kekhrie ba mo ro, a merenyikhou kekreikecü pfhe morei thegikhou kejokecü pfhe puo zo.

²Tsiu a siedzekesi kepu kekuo ngulie ba di u ngokecü dze pete silie mu mhacamhala pete silie rei, morei kijüthouko bu tuo rüditalie kevi a kepele ba rei, kekhrie ba mo ro, a kemethuo zo.

³A a vie pete pie mia tsüwa, mu a mo-u khashü di thekhriwa shierei, kekhrie ba mo ro a kepra puorei jü.

⁴Kekhrie-e shügeshühielieya; mia ngumezhieya; kekhrie-e mia ngu puo roya mo, kemelha, mia pese, mia rünyü kemo chüya mo,

⁵morei kethevieshüya mo. Puo thuo puo zhazhü pfhüya mo; puo nei mo mhaitaya mo, morei mia puo gei kesuo puo chüshü rei pie puo nou shüse tuoya mo;

⁶kekhrie-e kesuo kechütsa puo nei monyü kethotsa puo nei tuoya.

⁷Mha pete nu a dielo chü tuoya, mha pete pele, mha pete merü, mu mha pete nu hielieya.

⁸Kekhrie-e mhakipuorei jütalie lho. Siedze die kepu ba rei süko jütatuo; pfhe kekrei se die pukelie ba zorei süko jütatuo, mhakesi die ba rei, süu ba motatuo.

⁹We za yopuo rübei siyakezha zo mu siedzekesi die rei zayo puo rübei pukezha zocü la;

¹⁰derei vilotsokecüu vor ro, sükisü huoyo ücüu ba sa motatuo.

¹¹A a nhicu ki, nhicumia mhiei diepu, nhicumia mhiei mhale mu nhicu mhie di mha medo; derei a phichülieketa sie, a nhicumia zho süko khawate.

¹²We tsie khrüva puo nunu ngu merü[21] di nguya; derei mhotsou kengu zotuo. A tsie si kebau we za yopuo rübei zo; derei Ukepenuopfü a si lotso keba tuoi a rei khunhie we si lotsolietuo.

¹³Tsiu kepele, kemerü mu kekhrie se hako batuo, mu süko donu kezhatho-u sü kekhrie zo.