Read Angami Naga Korintmiako Kerieu 16 Bible Online

Korintmiako Kerieu 16 - Angami Naga bible

Korintmiako Kerieu 16

¹Siro kemesako la mha kengukecü dze: a Galatiako kehou bu chünukeshü mhie, nieko rei chüliecie.

²A kevor zenu mha kengu molieketuo la, nieko deobado zha therie metsei, mia puopuo mha ngu seilieya kecü zie krakelieko kha kreipie baliecie.

³Sidi a vorlie tse, leshü rei thushü di, nie pelelie kesümia kedapie kebako bu nie mha khakeshüko se Jerusalem nu votuo.

⁴A bu rei sa vo morosuo üro, süko bu a ze votuo.

⁵A Makedonia pfüthe kevo ki nieko ki vortuo, a Makedonia nu votuoü le bacü la,

⁶mu a vor ro puotei huo, morei teisei teiu pete rei nieko ze batalie vi, sitse a kehourapuo vo shierei, nieko bu a ketseshülietuo.

⁷A chala nunu vor nieko ze kese zowa nyü mo; derei Niepuu medo ro, a puotei huo nieko ze ba nyüya.

⁸Derei a Pentekost ketso Efesa nu batatuo,

⁹hanu mhachülie kevi kikha kezha puo khrü a tsüpie bate derei ngumvü kekra rei ba.

¹⁰Timothi vor ro puo bu puo kereita mo di nieko ze balieketuo leliecie, puo rei a tuoi Niepuu lie chü tuo zokecü la;

¹¹süla mia puo bu rei puo thita hie. Puo nou bu mene ba di ketseshülie, puo bu a ki vorlieketuo la; u kezeko ze di puo la vorketuo a merü keba la.

¹²Tsie u zeu Apolo dze liro, a puo bu u keze kekreiko ze nie ki vonucü puo hü phi ba, derei puo tsieki nie ki vorketuo puo medolie mota[27] zo. Sirei puo rei puotei kevi ngulie liro vor zotuo.

¹³Nieko terütero balie, kepeletsa chüsechü thalie, thepfu ba zolie, kuokechülie.

¹⁴Nieko mhakehoupuo chü rei kekhrie nunu chülie.

¹⁵Siro a üpfüko mu siezedzürieko[28], nieko Akaya nu Stefana kinuko dieliekeviu pelekelie keriethoko zokecü si batuo, mu ukoe kemesako kekhruohi nu uko khashü zo;

¹⁶süla a nie bu rei themia sikecüko mu lietho süu nu u rhie chüyakezhako mhielienuya.

¹⁷Stefana, Forturata mu Akaikanuoko kevor la a nei se; kekreilamonyü uko a nieko mengu keba sou chülieta zo.

¹⁸Uko nie nou rei mu a nou chü perheikeshü la themia hakemhieko ha rükra tuoliecie.

¹⁹Asia nu kehouko nieko kelushü ho. Akila mu Priskila kinu kehouu rei Niepuu za nunu nieko kelu phishü ho.

²⁰U kezeko pete nieko kelushü ho. Kemesa zho se kemebokecüu pie huoniehuo kelushücie.

²¹A Paul, nie kelukeshü ha a thuo a dzie se thushü ho.

²²Kehoupuorei Niepuu khrieyakemo-u bu rüsekepfüu chücie! He-i Niepuu, vorliecie.[29]

²³Niepuu Jisu ngukemezhieu bu nieko ze baliecie.

²⁴A kekhrieu bu Jisu Khrista nu nieko ze baliecie.[30]