Read Angami Naga Korintmiako Kerieu 6 Bible Online

Korintmiako Kerieu 6 - Angami Naga bible

Korintmiako Kerieu 6

¹Nieko huomia nie huomia gei panyakecü puo ba di süu se kemesako ki vo mo di miatho kemoko ki vo di kenyakecü michie mo me?

²Kemesako bu kijüu nyie pepituoücü nieko si mo zo me? Siro nieko bu kijüu nyie thuo rei pepituo üro, nieko mha kecükerüko pepilie lhote me?

³Tsiedo kelhou ki rüliko zomonyü u bu teigeidieliemia nyie thuo rei pepituoükecü, nieko si mo me?

⁴Mhanuü nieko donu si meyakezha huo sierta ro, kehouu nu u thakejümia kedapie puo bu dienya kecü tuo me?

⁵Nieko bu mengalieketuo la a hau pushüya. Ka, nieko donu puo mhasi nyi di kepelemia donu dienya pepilieketuo puorei ba mote me?

⁶Sidi kepelemia puo thuo kepelemia kekrei puo petsou di dienyaki nu vota, mu süu pelekemomia puo mhodzünu sa le?

⁷Ketho zo, nieko huoniehuo ze kenyakecü zorei nie thuo nie pekawata zo. Kiüdi kejo-u nie thuo pfülieya mo ga? Kiüdi nie kedokewau nie thuo pfüta mo ga?

⁸Derei nieko thuo mia pese mu mia kedokecü chü, mu pete rei kepelemia üdi süu chü sa.

⁹Niekoe mha kesuo kechümia Ukepenuopfü kedi welie lhoükecü si mo me? Nie thuo nie sewa hie! Pierüü kechümia, terhuorhi kerüsuomia, pieümia, thepfumia thuo thepfumia ze thenga kechümia, chüüphou pie u theguo chü nyüyakezhamia,

¹⁰kerügumia, mha kemehoumia, kemezemia, miathayakezhamia, mia kechükedelieyakezhamia hako puorei Ukepenuopfü kedi welie lho.

¹¹Nieko huomia rei thiedzü sikecümia zo. Derei tsiewe nieko khrüwate, nieko chü kemesaliete, sidi Niepuu Jisu Khrista za nunu mu Ukepenuopfü Ruopfüu nunu nieko chü kemiatholiete.

¹²“A zowe mha kehoupuo chütuo ürei a kekha jü,” derei mha peteko nu kemevi ba phre zo mo. “A zowe mha kehoupuo chütuo ürei a kekha jü” derei a mhapuorei bu a kekhapie puo die chüwa nyü mo.

¹³“Kecüca sü uvadi la zo mu uvadi rei kecüca la zo,” mu Ukepenuopfüe kenienie rei pekawatuo. Themo-u se rügerüzhüketuo la mo, derei Niepuu la zo, mu Niepuu rei themo-u la zo.

¹⁴Ukepenuopfü kesia nunu Niepuu chü perheiliete, mu puo kekuo süu pie u chü perhei lalietuo.

¹⁵Nieko moe Khrista gei zakro puo zoükecü nie si mo me? Siliro a Khrista gei za kro puo chüketako se vo thethenumia vie chütuo me? Suotuo zo!

¹⁶Nieko thethenumia ze puo chüta ro unie keze mo puo chüta zo ücü si mo me? Kekreilamonyü pupie kezhü, “Unie keze chü puo chütatuo” siya.

¹⁷Derei mia puo Niepuu ze puo chükelie-e ruopfütsa puo ze puo chüta zo.

¹⁸Ta pieü therhieliecie. Kephouma kekreiko umo nunu mo di chazou nu chü pekuoya; derei pieü kechümia puo thuo puo mo bie pesuowa di phoumataya.

¹⁹Mu nieko moe Ukepenuopfü ki nu ngukelie mu nie nou keba Kemesa Ruopfü rüsuoki ükecü nie si mo me? Mu nieko ha nie thuo nie vie mota zo.

²⁰Kekreilamonyü mha ma se nieko khrülie; süla nie mo se di Ukepenuopfü tsheürhuliecie.