Read Angami Naga Filipiko 3 Bible Online

Filipiko 3 - Angami Naga bible

Filipiko 3

¹Thela nu, a kezeko, Niepuu nunu nie nei baliecie. Kethusie thupie nieko ki keshü a la kemezhiecü puorei mo. Derei süu nieko la kevi zo.

²Tefüko la nie kireilie, mha kesuo kechüko ki nu nie kireilie, u thuo u pechüyakezhako ki nu nie kireilie.

³Kekreilamonyü we zhükeremia ketho zo, Ukepenuopfü Ruopfüu nunu rüsuoyakezhamia mu Khrista Jisu la kemiako tuoya, mu chüüphoutsa la kethepfu puorei jü,

⁴kemosie a zokecüu thuo rei chüümo gei a kethepfu balie kevi ca ba phi. Mhanuü huomia chüümo geinu u kethepfu nyilietuoü ro, a we nyikuolie vi;

⁵penuokelie zha thetha nhie a zhürelie, Israel seyie nu Benjamin yiemia, Ibrimia donu rei Ibri ketho, thezho-u kitsa ro Farisimia,

⁶u rhie kechütsa ro, kehouu pechükecümia, thezho-u kitsa kemiatho dze le sie ro miapuorei a pejoliekelhomia zo.

⁷Sirei a thiedzü a la mevi üketuoko tsie Khrista la a süko üse mhathopuo ütuo mote.

⁸Sizomonyü a Niepuu, Jisu Khrista sikelie süu mha pete kirei vikuoketa la mha kekreiko puorei phrü tuo mote. Puo la nu a mha pete khawate, tsiu a Khrista se a vie chülie nyü di mha kekrei pete üse cienheciera chüte,

⁹sidi puo geinu a ngu reilieketuo la, siro thezho-u keze geinu a miatholie monyü Khrista pelekelie nunu zo, kemiatho süusü Ukepenuopfü kinu vorya mu kepele lanu zo.

¹⁰A Khrista mu puo rheilasiekelie kekuo rei si nyü sidi puo mezhieko nu puo ze kemezhielie di puo seu nu rei puo mhielie,

¹¹sidi a rei kesia nunu rhei la sieketako tsolie nyükecü la.

¹²A süu ngulietaü morei votuoükezhüu tsolietaü[3] ba mo, derei süu pie a vie chülieketuo la whuozhü zo, kekreilamonyü Khrista Jisu thuo a pie puo vie chüliete.

¹³A khrieko, a thuo süu pie a vie chülieta ükecü a le mo, derei a mhapuo chüya: Süu a sietsa kebako rükra mo di a mhodzütsa kezhüko penou beituo zo,

¹⁴Ukepenuopfüe Khrista Jisu nunu mha puo khashütuoü teigei nu a kiekezha a mha süu whuozhü zo.

¹⁵Úko phichüketako we mha sükemhie le phrelie khe, mu nieko mha kekrei huo le ba üro, Ukepenuopfü thuo süu rei thashü nie kietuo.

¹⁶Derei we ngulieketau zowe thezetsa se balie khe.

¹⁷A zenuoko, nieko a dorielieliecie, siro hie thapie nieko kiekeshü mhie di lhouyakezhako meho menuolie.

¹⁸Kekreilamonyü themia kekra rei Khrista krus-u ngumvü chü di lhou tuote, a tsiekenuo süko dze nieko ki pushütuote, mu tsierei kra zo di pu lashüzhie.

¹⁹Süko thelau sü keka zo; uko vadi-e uko rhuo zo; mu uko zayie sü thenga kechüu zo; uko nou pie kijü nu vieko rübei le tuoya.

²⁰Derei we teigei miamia[4], mu we sünu nu Kelakelieu Niepuu Jisu Khrista la kevor pfhe terüpfü ba.

²¹Puo mha pete se puo khrükhro vorlie kevi kekuou pie u mo mhacü mhatho kemo hau chü kedipie puo mo vithedze chükecüu mhielietuo.