Read Angami Naga Thesaloniako Kerieu 1 Bible Online

Thesaloniako Kerieu 1 - Angami Naga bible

Thesaloniako Kerieu 1

¹Paul, Silvana mu Timothi kinu khapie Ukepenuopfü u Puou mu Niepuu Jisu Khrista nu baketa Thesaloniako kehouu ki shü: Ngukemezhie mu nouneu bu nieko ze baliecie.

²Hie nie la cha kesie metsei nieko la Ukepenuopfü thezie sei baya,

³hie Ukepenuopfü mu u Puou mhodzünu nie kepele mhatho mu kekhrie mhatho tsiu Khrista gei nie siedzeu la shügeshühie zo keba rükra hie nou ki shü sei tuoya zo.

⁴Ukepenuopfü khriekepfü hie siezedzürie, puo nie kedalieketa dze hie si,

⁵kekreilamonyü hie dieliekeviu pie nie ki zhapu chükeshüu dieu nunu zomonyü kekuo mu Kemesa Ruopfü nu tsiu ketho tou di zo; hie nieko lanu kimhiecümia chü shiü nie donu thakeshü nie rei si ba ze.

⁶Mu nie hie tsiu Niepuu dorielie, kekreilamonyü nie pechüpenyü phicü nu rei Kemesa Ruopfü nunu nie nei di dieu lieliecü la,

⁷sidi nieko Makedonia nu mu Akaya nu kepeleko pete ki thakie puo chüshüte.

⁸Nieko ki nu Niepuu dieu pu keyie prate mu süu Makedonia mu Akaya nu rübei zo mo, derei thechü lukihaki nie kepele Ukepenuopfü gei kebau pu keza vote, süla hie we mhapuorei pu zo morei vite.

⁹Thechü süki kelhouko thuo hie kimhie di nie ki volie shiü, mu nie rei kimhie di miarhi kerüsuo nunu rürei rhei tuoyakezha mu ketho Ukepenuopfü kitsa volie shicü pu tuote,

¹⁰sidi teigei nu tsurketuo puo Nuou, puoe kesiako donu phoukelie, Jisu, puoe vorketuo noupfhüu nunu u kelashüketuou pfhenushü.