Read Angami Naga Joshua 12 Bible Online

Joshua 12 - Angami Naga bible

Joshua 12

¹Israelkoe Jordan niathutsa kijü pete penyüwa di lielieta, sidi ukoe Arnon razhau nunu vo Jordan ketso mu Hermon kijüthou pesotsa ketso pevielieta. Ukoe kedi kenie penyülie:

²Amorko kediu Sihon, Heshbon nu lhou, mu Aroer, süu Arnon razhau tseitsa nu vo razhau metsuo nu tso di vo Ammonko rie Jabok rü ketso, süusü Gilid ketoupuo sa;

³mu niathu keva tsatie ro, Araba nunu Kinerot dzükezha ketso, mu Beth-jeshimot keva tsatie ro Araba, Kesia Dzükezha[13] ketso, pekhro tsatie ro Pisga kijü tseiko keva pete rei sa;

⁴Siro ukoe Bashan kedi Og rei penyüwa, puoe Refaim mia liekelieko puo, puoe Ashtarot mu Edrei nu kedi chü baya.

⁵mu puo kedi rüvie-e Hermon kijüthou mu Seleka mu Bashan pete zo vo Geshurmia mu Makamia therie nu ketso mu Gilid ketou puo, siro Heshbon kediu Sihon kedirüvie rie ketso mho kedichü.

⁶Mosa mu Israelkoe kedi hanie penyüwa; sidi Jihova kituou Mosae uko kijüko khapie Reubenmiako, Gadmiako mu Manasseh thinuo tietsa puo phruowa.

⁷Siro Joshua mu Israelkoe Jordan niakratsa kediko mu uko rüvie pete penyülie, Lebanon razha nu keba Balgad nunu vo Edom pekhrotsa kepenuoki keba Halak kijüthou ketso, (mu Joshuae kijü hako kezapie Israel seyieko phruoshü, uko bu se uviechü se tuolieketuo la,

⁸süusü kijüthou rünako, kijüthou phiko, Araba nu kijü tseiko mu rayhanu, mu Negeb nu pete sa, Hitko, Amorko, Kananko, Perizko, Hivko mu Jebusko kijüko zo):

⁹Jeriko kediu, Ai kediu, süu Bethel khieki ba.

¹⁰Jerusalem kediu, Hebron kediu,

¹¹Jarmuth kediu, Lakish kediu,

¹²Eglon kediu, Gezer kediu.

¹³Debir kediu, Geder kediu,

¹⁴Horma kediu, Arad kediu,

¹⁵Libna kediu, Adulam kediu,

¹⁶Makeda kediu, Bethel kediu,

¹⁷Tapua kediu, Hefer kediu,

¹⁸Afek kediu, Lasharon kediu.

¹⁹Madon kediu, Hazor kediu,

²⁰Shimron-meron kediu, Akshaf kediu,

²¹Tanak kediu, Megido kediu,

²²Kedesh kediu, Karmel nu Jokneam kediu.

²³Nafat-dor nu Dor kediu, Galil nu Goim kediu,[14]

²⁴Tirza nu kediu, pete kesa kedi serepuo.