Read Angami Naga Joshua 15 Bible Online

Joshua 15 - Angami Naga bible

Joshua 15

¹Juda seyie la u pfutsanuo le di kijü uko yako, kijü pekhrotsa Zin rayhau nunu tsu Edom rie ketso.

²Mu pekhrotsa therieu tsu Kesia Dzükezhau[17] pekhrotsa thela tso, dzü puotie meyapie pekhrotsa petsoukecüu nunu.

³sidi Akrabim nu kekho chau nunu pekhrotsa va se Zin keva ketso, Kadesh-bernia pekhrotsa tso, mu Hezron pfüthe kho Adar tso, di rürei se Karka va,

⁴sünunu Asmon nu tsu, mu Ijipt Rücüu medzi se Mediteranian nu ketso pie puo thela chü. Hako pie pekhrotsa Juda rie chü.

⁵Niathutsa rieu ro Kesia Dzükezha[18] puocha pete nu vo Jordan tie kela tso;

⁶mu pesotsa rieu ro, Bet-Hogla nu kho, di tuose Bet-araba mho sa phi Reuben nuou Bohan Tsieu tso.

⁷Siro Akor Razhau nunu kho Debir tso, di razhau pekhrotsa Adummim nu kekho chau rütsie pesotsa zokho rürei Gilgal kevatsa tso, sidi En-she-mesh dzü sa phi di En-rogel nunu thela chü.

⁸Süsie therieu Hinnom nu razhau mu kijüthou pekhrotsa keba Jebusko (süu Jerusalem) kebachüu tso; sidi süu medzi zokho Hinnom razhau niakratsa kevo kijüthouu mezügei tso, süu Refaim razhau pesotsa kela tso;

⁹mu sügeinu Neftoa Dzüluou ketso nunu Efron kijüthou kepenuo nadiko nu vo, sünu nu rürei se Bala, (süu Kiriat-Jearim) ücüutsa vo.

¹⁰Sidi Bala niakratsa rüwhi se Seir kijüthou rünako gei kho, süsie Jearim (süu Kesalon) ücü kijüthou pesotsa zo vo, di Beth-shemesh nu tsu, sidi Timna pfüthe phi;

¹¹sidi therieu Ekron pesotsa kijüthou ro-u medzi kho, di rüwhi se Shikeron tsa phi, di Bala kijüthouu pfüthe vo Jabnil tso; dzükezhau pie therie thelau chü.

¹²Siro hau pie niakratsa therieu Mediteranian mu puo khie kemerhieko pie chü. Sidi Juda themiako, pfutsanuo puopuo le di chükeshü rie hau nu lhou.

¹³Jihovae Joshua ki diekhakeshü mhiei Juda yie nu Jefune nuou Kaleb bu Juda rüvie nu Kiriat-arba[19] süu Hebron pie puo yachülie. (Arbae Anak nuo puou).

¹⁴Mu Kaleb-e süu nunu Anak nuonuo seko: Sheshai, Ahiman mu Talmai hako pete whuowa, hakoe Anak yiemiako.

¹⁵Puoe sünu nu Debir nu lhoukeba themiako whuotuoü kho, nadi hau thiedzü we Kiriat-sefer idi kieya.

¹⁶Mu Kaleb-e sie, “Kehoupuorei Kiriat-sefer biewa di liekelieu, a nuopfü Aksa pie puo ki penyituo,” sishü.

¹⁷Sitse Kaleb siezeu Kenaz nuou Othniel-e nadiu lielie. Süla Kaleb-e puo nuopfü Aksa pie puo ki penyiwa.

¹⁸Siro hapfü puo ki kevor ki hapfüe puo bu puo puo ki lie puo chalienuta. Süki hapfüe puo Gada geinu kerlie, ru Kaleb-e puo ki “No kedipuo cha nyüya ga?” ishü.

¹⁹Sitse puoe sie, “Mhapuo pie a tsüshücie, no Negeb nu a phruokeshü kijü keso rübei, süla dzüluo lie huorei pie a tsücie,” sishü. Siru Kaleb-e dzüluo lie peso-u mu pekhro-u rei pie puo tsüwa.

²⁰Juda seyie mu pfutsanuo kayie le di rhuopie uko tsükeshü hakoha.

²¹Pekhrothotsa Edom rie kepenuo nu Juda thinuo rünako ro, Kabzil, Eder, Jagur,

²²Kina, Dimona, Adada,

²³Kedesh, Hazor, Ithnan,

²⁴Zif, Telem, Bialoth,

²⁵Hazor-hadata, Keriat-hezron (süu Hazor),

²⁶Amam, Shema, Molada,

²⁷Hazar-gada, Heshmon, Beth-pelet,

²⁸Hazar-shual, Beer-sheba, Biziothia,

²⁹Bala, Iim, Ezem,

³⁰Eltolad, Kesil, Horma

³¹Ziklag, Madmana, Sansana,

³²Lebaot, Shilhim, Ain mu Rimmon: rünako pete kesa mepfüethepfü, mu natseko rei sa.

³³Kijüthou phi nu nadiko ro, Eshtaol, Zora, Ashna.

³⁴Zonoa, En-ganim, Tapua, Enam,

³⁵Jarmuth, Adulam, Soko, Azeka,

³⁶Sharaim, Adithaim, Gedera mu Gederothaim, nadi keredia üse uko natseko sa.

³⁷Siro Zenan, Hadasha, Migdal-gad,

³⁸Dilan, Mizpe, Jokthe-el,

³⁹Lakish, Bozkat, Eglon,

⁴⁰Kabon, Lahmam, Kitlish,

⁴¹Gederot, Bet-dagon, Nama, mu Makeda, nadi keresorou üse uko natseko sa.

⁴²Mu Libna, Ether, Ashan,

⁴³Ifta, Ashna, Nezib,

⁴⁴Keila, Akzib mu Maresha; nadi thepfü üse uko natseko sa.

⁴⁵Ekron mu puo nadiko mu natseko,

⁴⁶mu Ashdod nunu vo dzükezha ketso, mu Ashdod kepenuoko pete mu uko natseko pete sa.

⁴⁷Ashdod, puo nadiko mu natseko sa; Gaza, uko nadiko mu natseko sa; sidi tsu Ijipt Rücüu, mu Dzükezha Kezhau mu puo khie merhieko pete sa.

⁴⁸Kijüthou gei nadiko ro, Shamir, Jatir, Soko,

⁴⁹Dana Kiriat-sana, (süu Debir.)

⁵⁰Anab, Eshtemo, Anim,

⁵¹Goshen, Holon mu Gilo, nadi kerepuo üse natseko sa.

⁵²Arab, Duma, Eshan,

⁵³Janim, Beth-tapua, Afeka,

⁵⁴Humta, Kiriat-arba (süu Hebron) mu Zior; nadi thepfü üse natseko sa.

⁵⁵Maon, Karmel, Zif, Juta,

⁵⁶Jezril, Jokdiam, Zanoa,

⁵⁷Kain, Gibia, mu Timna, nadi ker üse natseko sa.

⁵⁸Halhul, Bet-zur, Gedor,

⁵⁹Marat, Beth-anoth, mu Eltekon nadi sorou üse uko natseko sa.

⁶⁰Kiriat-Baal (süu Kiriat-Jearim), mu Raba: Nadi kenie üse uko natseko sa.

⁶¹Rayha nu ro, Beth-araba, Midin, Sekaka,

⁶²Nilbshan, Metsie Nadiu, mu En-gedi: nadi sorouko üse uko natseko sa.

⁶³Derei Judamiakoe Jerusalem nu keba Jebusko whuo phralie kenjüta, süla Jebuskoe thie ketso rei Jerusalem nu Juda themiako ze lhou baya zo.