Read Angami Naga Joshua 19 Bible Online

Joshua 19 - Angami Naga bible

Joshua 19

¹Va kenieu Simeon la par, Simeon mu puo yieko la rei sa, uko pfutsanuo le di, mu uko yau Juda yiemiako rüvie donu bata.

²Uko theka ngukelieko Ber-Sheba, Molada,

³Hazar-hual, Bela, Ezem,

⁴Bethul, Horma,

⁵Ziklag, Bet-Markabot, Hazer-susae,

⁶Bet-Lebaot, mu Sharuhen, nadi kerese mu uko natseko sa.

⁷Siro Ain, Rimmon, Ether, mu Ashan; nadi mu uko natseko sa;

⁸mu nadi hako khieümhou keba natseko pete sa di zotsu Baalath-beer morei Negeb nu Rama ketso. Hau Simeon yiemia vie, uko pfutsanuo le di chüshü.

⁹Judanuomia ya thokeshüu uko la zhathortacü la, Simeon yiemia bu Juda kayie donu uko ya ngulie.

¹⁰Va seu Zebulun yiemia la par, uko pfutsanuo le di uko ya chüshü. Mu uko ya chükeshü kijüu Sarid ketso vo.

¹¹Sünu nu therieu niakratsa va se Marala nu kho, sidi Dabesheth tso sidi Jokneam niathutsa rücüu tso.

¹²Sarid khie kekreitsa nunu Kisloth-tabor rie niathutsa va vo, süsie Daberath nu pralie di Jafia nu kho.

¹³Sidi niathutsa va se Gath-hefer nunu Eth-kazin nu vo; sidi Rimmon cha tsatie nu rüwhi se Nea tsa vata.

¹⁴Pesotsa therieu rüwhi se Harnathon nu tsu di Ifta-el razhau nunu thela chü.

¹⁵Siro Katat, Nahalal, Shimron, Idala mu Bethlehem; nadi kerekenie üse uko natseko sa.

¹⁶Zebulun yiemiako u pfutsanuo le di kayie kijü uko ketsü nu nadi hako üse natseko sa uko ya chüshü.

¹⁷Va diau Isakar yieko la par, uko pfutsanuo le di. Uko kijü Jezril,

¹⁸Kesulot, Shunem

¹⁹Hafaraim, Shion, Anaharat,

²⁰Rabith, Kishion, Ebez,

²¹Remeth, En-ganim, En-hada nu Beth-pazez;

²²therieu Tabor, Shahazuma mu Bet-shemesh ketso vo, di Jordan pie thela chü; nadi keresorou üse uko natseko sa.

²³Isakar yiemiako u pfutsanuo le di kayie kijü uko ketsü nu nadi hako üse natseko sa uko ya chüshü.

²⁴Va pengouu Asher yieko ya par, uko pfutsanuo le di. Uko ketsü kijü,

²⁵Helkat, Hali, Beten, Akshaf,

²⁶Alamelek. Amad mu Mishal mu niakratsa vo Karmel mu Shihor-libnath tso.

²⁷Sidi rürei niathutsa va se Bet-dagon nu vo di Zebulun mu Ifta-el razhau thu di pesotsa vo Beth-emek nu Neiel tso. Sidi peso sa Kabul,

²⁸Ebron, Rehob, Hamon mu Kana, sidi vo Sidon rüna kezhau tso.

²⁹Sidi therieu rürei se Rama nu vo di dahou chü hou kecü Tur nadiu tso. Siro sünunu rürei se Hosa nu vo di Mediteranian Dzükezhau pie puo thela chü. Süsie rei Nahalab,[25] Akzib,

³⁰Uma, Afek mu Rehob pete kesa nadi mepfüekenie üse uko natseko sa.

³¹Asher yiemia pfutsanuo le di kayie kijü uko ketsü nu nadi hako üse natseko sa uko ya chüshü.

³²Va sorouu va Naftali yiemia ya par, uko pfutsanuo le di,

³³uko tsükeshü kijüko. Therieu Helef nunu Zananim nu phrie bo-u tso, mu Adami-nekeb, mu Jabnil nunu vo Lakum tso; di Jordan nunu thela chü.

³⁴Sidi süki nu therieu rürei niakratsa vase Aznot-tabor nu vo, di sünu nu Hukok nu vota, pekhrotsa Zebulun ketso, niakratsa Asher mu Juda nu niathu tsa Jordan tso.

³⁵Dahou pie houkecü nadiko Zedim, Zer, Hamath, Rakat, Kineret,

³⁶Adama, Rama, Hazor

³⁷Kadesh, Edrei, En-hazor,

³⁸Iron, Migdal-el. Horem, Beth-anet mu Beth-shamesh; nadi kerethepfü mu uko natseko sa.

³⁹Naftali yiemiako uko pfutsanuo le di kayie kijü uko ketsü nu nadi hako üse natseko sa uko ya chüshü.

⁴⁰Siro va thenieu Dan yiemiako ya nu par, uko pfutsanuo le di.

⁴¹Uko phruokeshü kijü Zora, Eshtaol. Er-shamesh,

⁴²Shalabin, Aijalon, Ithla,

⁴³Elon, Timna, Ekron,

⁴⁴Elteke, Gibethon, Balath.

⁴⁵Jehud, Bene-barak, Gath-rimon,

⁴⁶Me-jarkon mu Jopa kepetsou ki Rakon kijüu sa.

⁴⁷Dan themiakoe kijüu uko la tsatatse kho Leshem ze kegei di süu lielie, mu themiako gei phrewa, di kijüu pevielie. Uko sünu balie di Leshem za pie uko puotsau Dan za tholie.

⁴⁸Dan yiemia uko pfutsanuo le di wekelie uko ya nadi hako üse uko natseko sa.

⁴⁹Ukoe kijüu puorie rhuo phrelie di kezapie uko ya chülieta tse, Israelkoe Nun nuou Joshua la kijü phruo pekreishüwa.

⁵⁰Jihova kepu tuoi, uko rüna donu puo keneiu pie puo tsü. Efraim kijüthou gei Timnath-sera rünau, mu puoe sünu nadiu chü lalie, di sünu bata.

⁵¹Eliazar zievo-u, Nun nuou Joshua mu Israel seyie nu pfutsanuo krütako Shilo nu Jihova mhodzü kehou pfhekiu mhodzünu dape di kayie keza tseilie.