Read Angami Naga Joshua 21 Bible Online

Joshua 21 - Angami Naga bible

Joshua 21

¹Sitse Levi thinuo nu pfutsanuo donu thekrüko Eliazar zievo-u mu Nun nuou Joshua mu Israelmia thinuoko pfutsanuo donu krütako ki vor;

²sidi ukoe Kanan kijü nu keba Shilo nunu uko ki pu di, “Jihovae Mosa ki diekhakeshü hieko bu balieketuo nadi mu kicükiri tuo sa pie hie tsünushü,” silie.

³Süla Jihovae diekhakeshü ki ze Israelkoe uko kayie kijüko nunu nadi huo mu sükhie kijüko sa pie Levinuomia tsüshü.

⁴Sidi dape di therieu Kohatnuomia la par. Süla Levimia Aron zievo-u yieko da nu Juda, Simeon mu Benjaminnuomia rüvie nunu nadi kerese ngulie.

⁵Mu Kohatnuomia kekreiko da nu Efraim, Dan mu Manasseh niakratsako kinu rüna ker ngulie.

⁶Gershonnuomia dape nu Esakar, Asher, Naftalinuomia mu Bashan nu keba Manasseh niathutsako kinu rüna kerese ngulie.

⁷Merarimiako uko pfutsanuo le di Reuben, Gad, mu Zebulunnuomia kinu nadi kerekenie ngulie.

⁸Jihovae Mosa ki diekhakeshü tuoi Israelkoe nadi hako mu uko khie kijü kiri tuoko pie dape di khapie Levimiako tsüshü.

⁹Ukoe Juda mu Simeon yie nunu nadi puoya pukeshü hako pie,

¹⁰Levi yiemia Aron thinuo nu Kohatnuomia ya chüshü. Dape nu uko ya nu parlie rie keta la.

¹¹Uko Juda kijü nu keba Kiriat-arba (Arba-e Anak nuo puou). süu Hebron khapie uko tsü mu puo khie peri tuoko rei sa.

¹²Derei uko nadiu lieko mu natseko we pie Jefune nuou Kaleb bu pie puo vie chütuota.

¹³Sidi uko Aron zievo-u yiemiako tsükeshü liro hako: Hebron, siro themou kechüko rüguoketuo nadiu mu puo kiri tuoko siro sükhie nadiko, Libna mu puo kiri tuoko sa,

¹⁴Jatir mu puo kiri tuoko sa, Eshtemoa mu puo kiri tuoko sa,

¹⁵Holon mu puo kiri tuoko, Debir mu puo kiri tuoko,

¹⁶Ain mu puo kiri tuoko, Juta mu puo kiri tuoko, Bet-shemesh mu puo kiri tuoko, sidi seyie sünie nu nadi thepfü mu peri tuoko sa phre di khashü.

¹⁷Siro Benjamin seyie nunu Gibeon mu puo kiri tuoko, Geba mu puo kiri tuoko,

¹⁸Anathoth mu puo kiri tuoko, Almon mu puo kiri tuoko di nadi dia.

¹⁹Aron zievo-u yiemiako vie rüna kerese mu peri tuoko sa.

²⁰Siro Levi yiemia donu Kohatnuomiako we Efraim yiemia vie nunu rüna huo kha uko tsü.

²¹Efraim kijüthou rüna nu keba Shekem, themoukechü rüna puo, mu Efraim kijü nu süu kirituoko sa, Gezer mu puo kiri tuoko sa pie uko tsü.

²²Kibzaim mu puo kirituoko, mu Beth-Horon mu puo kirituoko, rüna dia.

²³Mu Dan yie nunu rei rüna Elteke, Gibethon,

²⁴Aijalon mu Gath-rimon, nadi dia mu uko peri tuoko sasa phre.

²⁵Siro niakratsa Manasseh yieko kinu rüna kenie, Tanak mu Gath-rimon mu peri tuoko sa.

²⁶Kohatnuomia nadi ngukelie pete kesa rüna ker mu peri tuoko sasa phre.

²⁷Siro Levi yiemia donu Gershonko la Manasseh niathutsako kinu Bashan nu keba Golan, themoukechü rüna puo mu puo peri tuoko sa, mu Beshtera mu puo kirituoko sa di rüna kenie.

²⁸Siro Isakar yiemia rüvie nunu Kishion, Daberath,

²⁹Jarmuth mu En-ganim mu peri tuoko sa, rüna dia.

³⁰Asher yie nunu Mishal, Abdon,

³¹Helkat mu Rehob nu peri tuoko sa di rüna dia.

³²Mu Naftali rüvie nunu Galil nu Kedesh, themoumia la rüna puo, Hamoth-dor mu Kartan mu peri tuoko sa di rüna se.

³³Gershonnuomia nadiko pete kesa di peri tuoko sakecü rüna kerese.

³⁴Siro Levimia keshako, Merarinuomiako, la Zebulun rüvie nunu uko ya khakeshü; Jokneam, Karta,

³⁵Dimna mu Nahalal uko peri tuoko sakecü rüna dia

³⁶Siro Reuben rüvie nunu Bezer, Jahza,

³⁷Kedemot mu Mefat, uko peri tuoko sakecü rüna dia.

³⁸Siro Gad rüvie nunu Gilid nu Ramoth, themoumia rüguoketuo rünako puo, Mahanaim,

³⁹Heshbon mu Hazer, uko peri tuoko sakecü rüna dia,

⁴⁰Levi yiemia keshako, Merariko tsükeshü rüna kerekenie.

⁴¹Israelmia rüvie pete nu Levinuomia ketsü rünako, peri tuoko sakecü pete kesa rüna hiediaethetha.

⁴²Nadi hako puopuokecü uko rierhuo nu peri tuo nyi phre.

⁴³Sidi Jihovae uko puonuoko tsütuoü phrakeshü kijü pete pie Israel tsüshü, mu ukoe süu pevielie di sünu bata.

⁴⁴Siro Jihovae uko puonuoko ki rüsekeshü tuoi puoe kuokelie mu kerülei kha uko tsü, mu ngumvümia puorei uko mhodzü thalie mo,

⁴⁵Jihovae Israel kinumia gei mha kevi chüshütuoü di phrakeshüko puorei tsei moketa chü mo; pete tseishü zo.