Read Angami Naga Ibriko 1 Bible Online

Ibriko 1 - Angami Naga bible

Ibriko 1

¹Thiedzü Ukepenuopfüe siedzekesiko geinu mha kekreicü mu puoca kekreikecü u puotsanuoko rüchü vor,

²derei thela tsiedo teiu nu we Nuou bu u rüchüshüte, puoe süu kedapie mha peteko kayieu chüshü, mu süu geinu tei kijü pete chükelie zo.

³Puo geinu Ukepenuopfü zayie khrüu mu puoe Ukepenuopfü rhi touu zo, mu mha pete rei puo die kekuou thuo se ba. Puoe kephouma chü kemesawa, vo Kekuo Kezhatho-u zatsa bate,

⁴puo chüpie teigeidielieko ki rükriekuote, mu puo za zorei uko za ki rükriekuo.

⁵Kekreilamonyü Ukepenuopfüe teigeidielieko supuo üse, “No a Nuo zo; a thie n penuoliete.” morei sie, “A puo puo chütuo, mu puo a nuo chütuo” isi ga?

⁶Süsierei puo nuorieu bu kijü nu kevor ki, puo sie, “Ukepenuopfü dieliemiako pete puo rüsuocie” isi zo.

⁷Puoe teigeidielieko dze pukecü, “Puoe puo dielieko chüpie teikhrie chüwaya, mu puo kituoko chüpie miü chüwaya,” si.

⁸Derei puo Nuou dze pukecü, “Harie Ukepenuopfü, n kedi-e kechachie mu kechachie baya, mu kemiatho theu sü n kedi theu zo.

⁹No kemiatho n neiya mu kerüzhü mecüya; süla Ukepenuopfü, n Kepenuopfü puo kenei tier üse n kenhepie n bu n kromia peteko mho zhakuote”

¹⁰Sizomonyü, “No, Niepuu, sietsenu kijüu chüshü; mu teiko sü n dzie mhatho zo,

¹¹süko we jütatuo, derei no we ba sei zotuo; süko we pfhe tuoi rietatuo;

¹²No süko pfhe tuoi kekhrewatuo, mu pfhenei tuoi thudiwatuo. Derei no we rüdirüliya mo, mu n teicieko mhakipuorei puo thela chülie lho”

¹³Derei puoe puo dielieko miapuorei üse, “A n ngumvüko khapie n phipra chüwa kemochie no a zatsa ba zocie” isi mo.

¹⁴Teigeidieliemiako[1] sü teigei dielie kechü ruopfüko zo, kelakelie welieketako lie kechü la ketsekeshü zo mo me?