Read Angami Naga Pitor Kerieu 1 Bible Online

Pitor Kerieu 1 - Angami Naga bible

Pitor Kerieu 1

¹Jisu Khrista apostel-u Pitor-e, pie ta Cüre tuoketako vo Pontu, Galatia, Kapadokia, Asia mu Bithuniako nu tuoketako ki shü,

²Ukepenuopfü u Puou thuo kedalie mu rhüse tuote, u bu Jisu Khrista dieze chü mu puo zie kegepie valieketuo la Kemesa Ruopfü nunu chü kemesa se tuoketako: Ngukemezhie mu nouneu bu nie gei ba phikelieu chücie.

³U Niepuu Jisu Khrista Puou mu Ukepenuopfü bu thejakepfüu chücie! Puo u ngumezhiethorcü la kesia nunu Jisu Khrista rhei lasiekelie geinu u penuo kesapie kerhei siedze kemerü nu shülie,

⁴mu kaüjütalie kelho, rhu kemo mu ruotalie kelho theka puo teigei nu nie ya chüpie zhüte,

⁵thelatsa nu pesipengushütuoü keba kelakelie hau nie kepele geinu Ukepenuopfü thuo puo kekuoü se nie rükhiese tuo zo.

⁶Hau la nie tsie zopuoki nie kemezhiekecü neiü seüdzü rei nie nei phi tuoya.

⁷Sidi mi nunu kevikesuo siwa rei suotayakezha suna kirei puoma rekuokecü nie kepele ketho-u bu Jisu Khrista mia mhingu chü kevor nhie thetshetherhu mu zayie chülieketuo la.

⁸Nie puo ngu mo rei, nie puo khrieya; mu nie tsie puo ngu mo zorei nie puo peleya, sidi nie nei pie puphalie kelho chü mu nie nei lhe mo tuote,

⁹nie kepele kemerüu, süusü, nie ruopfü kelakelie ngulie bakecü la.

¹⁰Ngukemezhie nie gei vorketuo dze kepu siedzekesikoe u terü chü mu menuo se di kelakelie süu dze pfhü vor zo,

¹¹sidi uko nu ketuo Khrista Ruopfüu thuo pedzüperie Khrista kemezhieketuo mu zayie chüketuo dze pukeshü ki supuo geinutie shi morei kedikechükipuotie shicü siedzekesikoe pfhü vor.

¹²Süki süko u thuo u la mo di nie la lietho chü vor zo ücü silie, süusü teigei nu ketsekeshü Kemesa Ruopfüu geinu tsie dieliekevi pethayakezhakoe nie ki puyakezha dieko geinu siliete, mha süko teigeidielieko rei ngu nyü phi vor zo.

¹³Süla mhachüketuo la nie nou dojülie,[1] sidi nie kekha se balie, Jisu Khrista mia mhingu chü vorketuo ki khapie nie tsüketuo ngukemezhie pele khrupfü ba zolie.

¹⁴Dieze nuonuoko mhielie, thiedzü nie mhasi kemo ki rüya mengu zhoko medzita hie.

¹⁵Sikecüumonyü nie kiekelieu mesakecü tuoi, nie zhorüli peteko nu mesalie;

¹⁶süu dze thupiekezhü, “Nieko mesaliecie, kekreilamonyü a mesakecü la” isi.

¹⁷Tsiu mia puo gei rei puo nei si krei mo di themia pete mhatho kheki sü chü di theca chüyakezhau üse nieko Puo üdi kieya liro, nie mia ra ketuo ki therhu la michie siei di lhouwaliecie.

¹⁸Nie puonuoko ki nu keyie kevor kemethuo zhorüliko nunu nie rhalieketa nie si ba, mu nie rhakelie süusü kaüjütalie kevi suna morei rakachü se mo,

¹⁹derei puotoukecü morei ciewakemo tekuonuo mhiekecü puoma keretho Khrista zieu se rha.

²⁰Puo hau mvü dzekelie mhodzü kedasetuote, derei nieko la puoe vor thelatsanu puo pie mia pesipengushü.

²¹Nie puo la, kesia nunu puo kesoukelieu mu puo bu zayie chükelieu Ukepenuopfü pelelie, sidi nie kepele mu siedze rei Ukepenuopfü gei bate.

²²Tsie nie ketho-u[2] dieze chükelie geinu nie ruopfü chü kemesaliete nie donu kekhrie ketho-u bu balieketuo la, nie nou[3] nu nie tho chü[4] di huoniehuo khrielie.

²³Niekoe penuo kesaliete; süu kaüjütalie kevi nunu monyü kaüjütalie kelho tsiau nunu zo, tsiu süu rhei mu ba seiyakezha Ukepenuopfü dieu geinu zo.[5]

²⁴kekreilamonyü “Chüüphou pete nha mhie zo, mu uko zayie pete rei nhapou mhie zo. Nha rüwitaya, mu nhapou rei rataya,

²⁵derei Niepuu dieu kechachie ba seiya” si. Mu pupie nieko kiekeshü, dieliekevi die sü süu zo.