Read Angami Naga Pitor Kerieu 3 Bible Online

Pitor Kerieu 3 - Angami Naga bible

Pitor Kerieu 3

¹Sütuoi mia nupfünuoko, nie nupfunuo khrükhro balie, sitse uko huomia dieu zeya kemo huo nyi üro, uko ki mha pu mo zorei u nupfünuo zho lanu u nou rüdilie vi,

²uko nie-e kemesa mu khrüprei kelhou lhou keba ngushü di.

³Nie tsütha chiekepfü, suna cümenyie morei pfhenei neiünei se kesekebakecü bu nie rütso chüta hieü,

⁴lukhro thenou miau, rata kemo zivi; kokemo mu thenou kemene zho-u se nie rütso chüliecie, süusü Ukepenuopfü mhodzü therhutho-u zo.

⁵Thiedzü rei nucünuthopfüko Ukepenuopfü pele di lhoukecüko rei u nupfunuo dieze kechü üse u ketsopfü vor zo.

⁶Sümhie Sara rei Abraham üse puo niepuu üdi kie mu puo die ze zo. Nie rei michie mo di mha puotou-u chüya ro nie rei süpfü nuonuokota zo.

⁷Sütuoi mia nupfunuoko, nie rei mhale menuo di nie nupfünuo ze lhouliecie, sidi thenupfü ha nie ki kekuo ketsamia üdi puo rhulie, uko rei ngukemezhie nunu kerhei kha u ketsüu nu karhe ze ru, silie ro nie kecha teiki mhapuorei nie chakha chütalie lho.

⁸Cüsie, nie kehoupuorei kenoumhielie, huoniehuo ngumezhie, huoniehuo khrie, noushünouzhie nyi, mu rünuo ketsülie.

⁹Mha kesuo pie kesuo pu chü hie, mia nie zhase rei mia zhase la hie, sikecüumonyü japie sümia tsülie. Kekreilamonyü nie bu silietuoü di nie kielie, silie ro nie theja kayie ngutuo.

¹⁰Kekreilamonyü, “Rhei ba nyü mu teisozha kevi ngu nyüyakezhamia, sümia bu u meü se die kesuo pu hie, mu u tie pie mia kese die pu hie,

¹¹U bu kesuou nunu rüreilie di mha kevi chülie; u bu nouneu pfhülie mu süu whuo zo volie.

¹²Niepuu mhi-e kemiathomia phi terütuoya, mu puo nyie rei süko kecha rünyü terü baya. Derei Niepuu zie-e kesuo kechüko petsou baya.”

¹³Nie mha kevi kechü la nie rhiechüya ro supuonie nie pesuowalie vi ga?

¹⁴Derei nieko puotou-u chükecü la kemezhielie ro nie theja ngukelie zo. Süko preiyakezhako prei hie, mu michie pie hie,

¹⁵derei nie nou nu Niepuu üse Khristau zo üdi rhulie. Siro mia nie nou siedze puo tuoketau dze ketso ro pushülieketuo la dojü sei tuolie;

¹⁶sirei ko mo mu menuo[12] se di süu chülie. Nie noule bu mecümecie ba zolie, sitse nie Khrista nu nie zho mesa di lhou tuoyakecü la nie zhase tuoyakezhako u thuo u die la mengalietuo.

¹⁷Kekreilamonyü kemezhiekecü Ukepenuopfü medo üro, mha kesuo chü di monyü mha kevi chü di kemezhiekecüu vikuo.

¹⁸Khrista rei u ze Ukepenuopfü ki volieketuo la, kemiatho-u bu miathokemoko sou chü, vapuochü di kephoumako la sia. Chüüphou tsa we puo pesiawata zo, derei ruopfütsa we chü perhei laliete,

¹⁹süu nunu vo kedieki nu keba ruopfüko petha,

²⁰Sütuoi thiedzü Noah rou-u chü keba ki Ukepenuopfüe puo nou shükhreshühiepfü di pfhe ba zorei puo die ze mvüta zo, sidi rou sünu ketuomia huoyo, pete kesa mia thetha rübei dzü nunu kelalie.

²¹Süusü tsie nie kelashüyakezha dzülukepfü zasi puo thashü, nie chü nie mo geinu kerhuko khrükewau mo, derei nie noule puotou chü di phrapie Ukepenuopfü ketsüu mu süusü Jisu Khrista rheilasieketau la zo.

²²Süu puo tsie vo teigei Ukepenuopfü zatsa nu teigeidielie kezhako mu kekuoko mho di bate.