Read Angami Naga Johan Kerieu 1 Bible Online

Johan Kerieu 1 - Angami Naga bible

Johan Kerieu 1

¹Hie nie ki sietsenu ketuo kerhei dieu, hie thuo sikecüu, hie mhi pie ngu, hie thuo meho mu hie dzie pie bie zokecü dze puya,

²kerhei hau ngulie kevi chüshü, hie rei ngu zo, süla hie süu dze zhapu chüya, mu kechachie kerhei u Puou ze ketuo, hie pesipengukeshüu dze pie nie ki puya.

³Nie bu hie ze kekrotholieketuo la hie ngu mu sikelie dze rei pupie nie kieshü ho; mu hie zowe u Puou mu puo Nuou Jisu Khrista ze kekrotho tuo zo.

⁴Siro úko[1] keneiu bu tseilieketuo la hie nie ki hako thushüya.

⁵Hie puo ki nu sikelie dielieu mu pu nie kieyakezhau hau, Ukepenuopfüe kezieu zo, mu kezei puorei puo nu tuo mo.

⁶Siro we puo ze kekrothoya üdi kezei nu tuoya ro, we medate mu ketho-u chüü zeya mo;

⁷derei puo kezie nu tuoyakezha tuoi we rei kezieu nu lhou tuoya ro, we huoniehuo ze kekrothoya mu Nuou Jisu zie thuo kephouma pete nunu u chü kemesalieya.

⁸Mhanuü we kephouma ba mo üdi puya ro, we u thuo u se tuoyakezha zo, mu ketho-u u nou ba mo.

⁹We u kephoumako pu phrashü ro, puo zowe dietho mu miatho di u kephoumako vashütuoü mu miathokemo kheko nunu u chü kemesalietuoü ba zo.

¹⁰We phoumata moükecü puya liro, we puo üse ketijüu chüya, mu puo die rei u nu ba mo.