Read Angami Naga Johan Kerieu 4 Bible Online

Johan Kerieu 4 - Angami Naga bible

Johan Kerieu 4

¹A khrieko, ruopfü kehoupuorei pele phreta hie, derei ruopfü süko Ukepenuopfü ki nu vor mo mo shicü rie menuoliecie; ketijü siedzekesi kekra par kijü nu tuotacü la.

²Hau geinu Ukepenuopfü Ruopfüuta ücü silietuo; ruopfü kehoupuorei Jisu Khrista üse chüüphou chüpfü vorkecü phrayakezha khe Ukepenuopfü ki nu vor zo,

³mu ruopfü kehoupuorei Jisu phrayakemo[5] khe Ukepenuopfü ki nu vor mo zo. Mu hauha Khrista ngukemvü ruopfüu zo, süu vor zotuoücü nieko puo dze siliete; mu süu tsie vor kijü bate.

⁴A nuonuoko, nieko Ukepenuopfü ki nu vor zo, mu süko penyüliete, kekreilamonyü nie nou baketaue kijü nu kebau ki zhakuocü la.

⁵Sükoe kijü nunu vor; süla uko kepukoe kijü nu dzeko puya, mu kijüu rei, uko pfhe rünyüya.

⁶Úko we Ukepenuopfü ki nu vor zo. Kehoupuorei Ukepenuopfü siyakezhako u die rünyüya, mu kehoupuorei Ukepenuopfü ki nu vor mo ro u die rünyüya mo. Süla we hau geinu ketho ruopfü mu ketho kemo ruopfüu si kekreilieya.

⁷A khrieko, huoniehuo khrielie khe, kekreilamonyü kekhrie-e Ukepenuopfü ki nu vor zo; siro mia khrieyakezha khe Ukepenuopfü nunu u penuolieta zo mu Ukepenuopfü siya.

⁸Mia khrieyakemomia Ukepenuopfü siya mo; kekreilamonyü Ukepenuopfüe kekhrieu zocü la.

⁹Hamhie di Ukepenuopfü kekhrieu thapie u kieshü: Ukepenuopfü puo Nuo pfuliu ketsepie kijü hanu keshüe u bu puo geinu kerhei ngulieketuo la zo.

¹⁰Kekhrie süu hau, we Ukepenuopfü khrielieta monyü puo thuo u khriekelie geinu u kephoumako ruotho la puo Nuou ketseshü.

¹¹A khrieko, Ukepenuopfü u khriepie hathede chüshü ro, we rei huoniehuo khrielie zhü.

¹²Miapuorei Ukepenuopfü ngu chie mo; sirei we huoniehuo khrieya ro, Ukepenuopfü u nu bate, mu puo kekhrieu u geinu tseilieya.

¹³Hau geinu we puo nu baketa mu puo rei u nu baketa silie, puoe puo Ruopfü khapie u tsüwaketa la.

¹⁴Puoue puo Nuo ketsepie kijü kelakelieu chükeshü nguwate mu hie süu pie mia kirei zhapu chüya.

¹⁵Kehoupuorei Jisu Khrista üse Ukepenuopfü Nuou zo üdi phrayakezhamia Ukepenuopfüe sümia gei baya, mu sümia rei Ukepenuopfü gei baya.

¹⁶Siro hie thuo si mu pelekecü sü Ukepenuopfü kekhrieu u la zo. Ukepenuopfüe kekhrie zo, mu kehoupuorei kekhrieu nu bayakezhamia Ukepenuopfü nu baya, mu Ukepenuopfü rei puo nu baya.

¹⁷Kekhrieu bu u donu nu tseilieyakezhae hamhie: U bu thepfu di mia ketsoketuo teisozha nhie thalieketuo la, sidi we kijü hanu ba zoluo shierei puo mhie di kethepfu balieketuo la.

¹⁸Kekhrie nu kemichie puorei baya mo, vi tseikecü kekhrie-e kemichie whuowaya; kemichie-e puo siazha ba, mu kehoupuorei michie bayakezhamia kekhrieu nu tseilieya mo.

¹⁹Puo u khrie riekeshü la we mia[6] khrieya.

²⁰Miapuonie, “A Ukepenuopfü khrieya” isi di puo siezedzürie ngumecüya ro, sümia kemedamia zo; kekreilamonyü puo nguyakezha puo siezedzürie khrielie mo liro, nguyakemo Ukepenuopfü khrielie kenjü.

²¹Puo u ki diekhakeshüu sü hau: Kehoupuorei Ukepenuopfü khrieyakezhau puo siezedzürie khrielie morosuo.