Read Angami Naga Capiko 17 Bible Online

Capiko 17 - Angami Naga bible

Capiko 17

¹Tsiu Mika ükecü mia puo Efraim kijüthou rüna nu lhoutuoya.

²Ru puoe puo zuo ki, “N kinu rakachü krie kerepuokrü chükelie mu süu la kerüguu rüsekeshü, siro a nyie kinu rei süu dze pukebau, harie rakako a dzienu ba, mu a pielie zo, derei a tsie süu pie n tsü lawa tuo”[18] sishü. Sitse puo zuoe sie, “A nuo, Jihova bu japie n tsücie” ishü.

³Siro puoe rakachü krie kerepuoko pie puo zuo tsü lashü. Sitse puo zuoe sie, “Rüseu bu a nuou gei vor moketuo la a a thuo a dzie se rakachüko khapie Jihova tsüshüyawe, pie terhuomiarhi chüketuo la, süla tsie hako pie n tsü lashüzhie” isi.

⁴Puoe rakako pie puo zuo tsü lashü tse, puo zuoe raka krie kenie chü pie rakachü rükreiu tsüshü, süue pie terhuomiarhi chü. Sidi pie Mika kinu khapie bawa.

⁵Siro Mika ükecüue rüsuoki puo nyi mu puoe efod puo mu terafim puo chülie di puo nuo thepfumia puo zievo chüpie sünu bawa.

⁶Israel nu kedi tuo mo; mu themia kehoupuorei puo thuo u mhodzü ki mezhüükecüu chüya.

⁷Tsiu hateiki Juda rüna Bethlehem nu Juda khriesamia, Levi nuomia puo sünu lhoutuoya.

⁸Tsiu puoe Juda rüna Bethlehem khawa di vo thechü ngukelie ra batatuoü tuo; puoe rüve Efraim kijüthou rüna nu vorcü ki Mika kinu vorlie.[19]

⁹Sitse Mika-e puo ketso di, “No kirapuo nu vorzhü ga?” isi. Ru puoe sie, “Ae Juda rüna Bethlehem nu kelhou Levinuomia puo, mu a thechü ngukelie ra batatuoü di pfhü vorzhülie” ishü.

¹⁰Sitse Mika-e puo ki, “A ze batalie, di a krü mu a zievo chütalie, silie ro a cie puo nu raka ker mu n la pfhemenei, siro cava sa kha n tsütuo” sita.

¹¹Sitse Levinuoue Mika ze batatuoü pfhekholie mu puoe puo nuo puo mhiei di lhouta.

¹²Siro Mika-e khriesau pie puo zievo chülie, sidi puo Mika kinu bata.

¹³Sitse Mika-e sie, “Tsiewe Jihovae a chü penyipekuoshüketuo a site, ae Levinuomia puo bu a zievo chülieketa la” isi.