Read Angami Naga Pesikeshü 18 Bible Online

Pesikeshü 18 - Angami Naga bible

Pesikeshü 18

¹Hau sie a teigeinu teigeidieliemia kekrei puo tsurkezhü ngu, puo kekuo nyi phi, tsiu puo kezie thuo kijüu pete va pezie zota.

²Puo melie shiekhoui di sie, “Kate, Babilon kezhapfü kate! Sidi puo terhuokesuoko kebachü, kerhu ruopfü neiüko kebachü, pera kerhuko kebachü, kerhu neiüko mu ngukemecü nhachü khe kebachü chüte.

³Kekreilamonyü seyie neiüko hapfü pieü noupfhü zuu krie meze,[51] mu kijü kediko puo ze pieüü chü, tsiu kijüu thelhitheü kechüko hapfü u theguo kechü kekuo[52] nunu mhanyi philie” sita.

⁴Süsie a mhapfhe kekrei puo teigeinu kepu si, “Hapfü ki nunu partacie, a themiako, sitse nieko puo ze kephoumako chü molietuo, mu puo thepe kenguu ngu molietuo;

⁵puo kephouma pfhepie tei rükrie tuoi bacü la, mu Ukepenuopfüe puo kephoumako rükra bate.

⁶Puo mia gei chükeshü touu chüpie puo gei lashücie, mu puo mhathoko de kenie rei chüpie puo tsü lashülie; tsiu tehieu nu puo pie reikeshü de kenie pie rei lashücie.

⁷Puo thuo puo tshe mu puo theguo chü lhoukecü tuoi, kemezhiekecü mu thenoukesuo süde mejüpie puo tsüshücie. Puo thuo puo nou nu, ‘A kedimiapfü zo; A samimiapfü mo, mu mhakipuorei nousuo ngulie lho;’ iya,

⁸süla khunhie vachü thepeko puo gei vortuo, kechükesia mu thekrü kechü tsiu pekriekecü, sidi mi pie puo the pejüwatuo, süpfü nyie pepikewau Niepuu Ukepenuopfüe kuokecü la” isi.

⁹Siro kijü gei puo ze pieü mu chüüphou mengu chükecü kediko miü nunu puo kethe mikhuu kengu ki puo la kra mu thekrü chütuo;

¹⁰sidi ukoe kepecie nu thatuo, mu süpfü mezhie ngu michie di sie, “Hou, hou, nadi kezhapfü, Babilon, nadi kekuou! Bavüdo puo nunu n siazhau vorketa la” situo.

¹¹Mu kijü gei lhithomiako hapfü la kra mu thekrü chütuo, miapuorei uko vienyako khrü sa moketa la,

¹²uko suna, rakachü, ketsie puoma kere mu mukut, linen pfhe keviko, meriemegekecü pfhepfü, lutsa mu merieyharakecü pfhe, puore kethengu sei pete, tsoke pie kechü mha neiüko, sei puoma kere vienya pete, merenyi, thegi mu marbel tsiepfü,

¹³seichü, moshola, tehoutsa, mür, mharekethengu theyakezhako, zu, Oliv tier, thou mu thoulha kevithoko, kicükiri, tekuo, gura mu guragariko, kediemia mu themia phou rei[53] miapuorei khrü sa moketa la.

¹⁴“N ruopfüe mengutuoyakezha nhasiu n therhiete, mu n vie kevi pete mu n zayie kechü n ki nunu tuote, mhakipuorei ngu salie lhote!” isi.

¹⁵Siro puo ze thelhitheü chü di mhanyikelieko rei puo kepechüu la u kedepfü di kepecie nu thatatuo, sidi kra mu thekrü chü di,

¹⁶“Hou, hou, nadi kezhapfü, linenpfhe kememhie, pfhe meriemege mu meriekecü, suna pie kechü cümenyie, ketsie puoma kere, mu mukut se puo ketsopfhütuoya ru!

¹⁷Bavüdo puo nunu puo kinyi süko pete pekaperuowate!” si. Mu rou mhokezhako mu rüvemiako, roukethumiako mu dzükezha nunu thelhi chüyakezha pete, kepecie nu tha,

¹⁸di miü bu süu the keba mikhu ngukeshü ki shiekhoui di sie, “Nadi kikecüpuonie nadi kezhau mhie ga?” itha.

¹⁹Mu uko nyophe kelhoupie u tsügei shülie tsiu kra mu thekrü chü di, “Hou, hou, nadi kezhapfü, dzükezha nu rou kenyimiako puo kinyi la mhanyikelie ze! Ru bavüdo puo nu puo pekaperuowate,” sita.

²⁰Harie, tei, puo la n neiliecie, nie kemesako mu apostelko tsiu siedzekesiko nie neiliecie! Ukepenuopfüe nieko la thenyie pepishüte.

²¹Süsie teigeidielie kekuomia puo mha kegetsie dekecü ketsie puo kelhoupie dzükezhau nu shü di sie, “Hahi di zhosuo nu Babilon nadi kezhapfü kelhouwatuo, mu puo sa motatuo;

²²tsiu kithar kekhou mu themia pfheko mu luoü mu ketsü kekhou pfheko mhakipuorei n ki nunu si la salie lhote; mu mha kehourei chü sikecümia, n donu ngu salie lhote, siro mha kegetsie pfhe rei n ki nunu si salie lhote;

²³mu n kinu mi kezie ngu salie lhote; tsiu n kinu yasamia pfhe si salie lhote; n lhithomiako sü kijü nu kezhathoko zo, sidi n themou se seyie pete sewate.

²⁴siro n[54] geinu siedzekesiko mu kemesako zie, mu kijü gei mia u dukhrikewa pete zie ngulie” isi.