Read Angami Naga Pesikeshü 9 Bible Online

Pesikeshü 9 - Angami Naga bible

Pesikeshü 9

¹Siro teigeidielie pengou-u puo tsüu khoushü, mu teigeinu themvü puo te kijü tsurketa a ngu, mu thekhe kesoutho nu cabiu pie puo tsü;

²sidi puoe thekhe kesoutho-u hieshü tse, sünu miphu kezha puo nu mikhu kepar tuoi khu par, sidi thekhe nunu kepar mikhu la niaki mu teikhrie zei bouita.

³Sitse mikhu nunu kuprie kijüu gei tsurta, mu kijü gei seba kekuo tuoicü kekuo khapie uko tsü.

⁴Süko bu kijü gei nha morei nha kepejo kehoupuorei morei seibo kehoupuorei pekawa hienushü, derei kehoupuorei u teikhie gei Ukepenuopfü mohor-u ba kemoko rübei pechülie kevi zo üshü.

⁵Siro uko bu khrü pengou süko pechünu, derei süko dukhriwa hienushü, mu uko pechükecü seba mia keükecü tuoi zo.

⁶Süteiko nu themiakoe kesia pfhütuo, derei süu ngulie lho; uko kesia mengutuo, derei kesia ta uko therhietatuo.

⁷Siro kuprieko ngupie gura terhü kegeituo üdi dojüpfü ketha tuoi, uko tsü ngupie suna keditsüre pfüketuo tuoi; mu uko zie ngupie themia zie tuoi,

⁸uko tsüthae thenumia tha tuoi, mu uko hukoe losha hu tuoi;

⁹uko kouko thegi pie kechü u merükeya tuoi, mu uko shüphrakeshü guragari kekra ta terhü nu vokezhü pfhe tuoi.

¹⁰Ukoe seba tuoi u mei mu u tha nyi, mu thekhrü pengou themia pechüketuo kekuo uko mei gei ba.

¹¹Siro thekhe kesoutho nu dielieu bu uko mho kedi chüya; Ibri die nu puo za Abadon[24], mu Grik nu Apolyon[25] üya.

¹²Theshiethemei therieu tseite. Mu tsierei theshiethemei kenie sa vortuo.

¹³Süsie teigeidielie sorou-u puo ketsüu khoushü, ru a Ukepenuopfü mhodzü ki keba suna ruosuobau kia diako nunu mhapfhe puo parkecü si,

¹⁴süko ketsü pie ketha teigeidielie sorou-u ki, “Eufrat rüu nu phapie ketha dieliemia diako phreishücie” si.

¹⁵Süla teigeidielie diako phreishüwata, teigeidielie süko bu themiako se za puo dukhriketuo teicieu, thekhrüu, mu teisozhau, mu bavüdo-u la dojü se tha.

¹⁶Siro gura geiketuo chüpahi mia million krie kenie; a uko tsüphrü kide shicü sikeshü.

¹⁷Mu a ziemho geinu gurako ngukecü hamhie: Süko geiketuoko u merü gei terhühu meriepie mi tuoi, safir[26]tuoi, mu mehe, gurako tsükoe losha tsü tuoi, siro mi mu mikhu tsiu mitsie uko me nunu par.

¹⁸Hako geinu kepar thepe seko mu, mikhu mu mitsie bu themia se za puo biekhriwa.

¹⁹Gura kekuo-u puo me mu puo meiko gei baketa la; uko mei tinyhü tuoi mu puo tsü nyi, tsiu süko se themiako pechü.

²⁰Siro themia keshako, thepe hako bu biekhriwa kemoko, u thuo chükelie mhathoko nunu u nou kedilie mo morei terhuokesuoko, mu suna mu rakachü mu mese mu ketsie tsiu sei pie kechü miarhi mha ngulie morei mhapfhe silie morei chatuolie kelhoko rüsuokecü nu u kekhalie mota.

²¹Mu uko mia kedukhri morei kemeduo mhathoko morei pierüü kechü morei rügukecü nunu u nou kedilie mo.